സിം വെരിഫിക്കേഷ​​‍െൻറ പേരിൽ പണംതട്ടൽ വ്യാപകം; ജാഗ്രത വേണ​െമന്ന്​ ബി.എസ്.എൻ.എൽ

കോഴിക്കോട്​: ബി.എസ്.എൻ.എല്ലിനെ മറയാക്കി സൈബർ തട്ടിപ്പുമായി ഇതര സംസ്​ഥാന സംഘങ്ങൾ രംഗത്ത്. സിം വെരിഫിക്കേഷ​‍ൻെറ പേരിൽ നടക്കുന്ന തട്ടിപ്പിൽ നിരവധി പേർക്ക്​ പണം നഷ്​ടപ്പെട്ടതായാണ്​ സൈബർ പൊലീസിനു കിട്ടിയ വിവരം. തട്ടിപ്പ്​ വ്യാപകമായതോടെ ഉപഭോക്താക്കൾ ജാഗ്രത പാലിക്കണമെന്ന് ബി.എസ്.എൻ.എൽ മുന്നറിയിപ്പ് നൽകി. ബി.എസ്​.എൻ.എൽ ഉപഭോക്​താക്കളുടെ മൊബൈൽ ഫോണുകളിലേക്ക്​ സന്ദേശമയച്ചാണ്​ തട്ടിപ്പി​ന്​ കളമൊരുക്കുന്നത്​. തിരിച്ചറിയൽ രേഖകൾ അപ്‌ലോഡ് ചെയ്യാൻ ഒപ്പം ചേർത്ത നമ്പറിൽ വിളിക്കുകയോ ലിങ്കിൽ ക്ലിക്ക് ചെയ്യുകയോ വേണമെന്നാണ് നിർദേശം.

ഇല്ലെങ്കിൽ 24 മണിക്കൂറിനുള്ളിൽ സിംകാർഡ് ബ്ലോക്കായേക്കുമെന്നും സന്ദേശത്തിലുള്ളതിനാൽ ആളു​കൾ പെ​ട്ടെന്ന്​ ബന്ധപ്പെടുകയാണ്​. ബി.എസ്.എൻ.എൽ എന്നതിനൊപ്പം ഏതെങ്കിലും രണ്ട്​ ഇംഗ്ലീഷ്​ അക്ഷരങ്ങൾകൂടി ചേർത്ത് സന്ദേശം​ അയക്കുന്നതിനാൽ പലരുമിത്​ ആധികാരികമെന്ന്​​ കരുത​ുന്നു. ലിങ്കിൽ ക്ലിക്ക് ചെയ്യുമ്പോൾ ഒരു മൊബൈൽ ആപ്ലിക്കേഷൻ ഡൗൺലോഡ് ചെയ്യാനാണ് ആവശ്യപ്പെടുന്നത്​. അത് കഴിയുമ്പോൾ സിം കാർഡ് ആക്​ടിവേഷനായി പത്തു രൂപ റീചാർജ് ചെയ്യാൻ പറയും. എ.ടി.എം കാർഡ്, ഇൻറർനെറ്റ്​ ബാങ്കിങ്, യു.പി.ഐ തുടങ്ങിയവയിലൊന്നിലൂടെ വേണം റീചാർജ് എന്നും നിർദേശിക്കും. ഇതാണ് പണം പോവുന്നതിലേക്ക് വഴി തുറക്കുന്നത്. മീറ്റിങ്​ ആപ്പാണ്​ മുൻകൂട്ടി ഡൗൺലോഡ് ചെയ്യിപ്പിക്കുന്നത്​. ഉപഭോക്താവി​‍ൻെറ കൈവശമുള്ള മൊബൈൽ ഫോണി​‍ൻെറ പകർപ്പ്​ കാണിക്കുമെന്നതാണ്​ ഈ ആപ്പി​‍ൻെറ പ്രവർത്തനം. റീചാർജ് ചെയ്യുമ്പോൾ കാർഡി​‍ൻെറയും അക്കൗണ്ടി​‍ൻെറയും വിവരം, യു.പി.ഐ പിൻ എന്നിവയെല്ലാം തട്ടിപ്പുകാരിലേക്ക് മൊബൈൽ മീറ്റിങ് ആപ്​ വഴി എത്തും.

ഉടൻ അക്കൗണ്ടിലെ പണം തട്ടിയെടുക്കുകയും ചെയ്യും. തൃശൂർ സ്വദേശിയുടെ അക്കൗണ്ടിൽനിന്ന് ലക്ഷം രൂപയും കൊയിലാണ്ടി സ്വദേശിയായ അധ്യാപക​‍ൻെറ അക്കൗണ്ടിൽനിന്ന്​ 33,000 രൂപയും ഈ രീതിയിൽ നഷ്​ടപ്പെട്ടിട്ടുണ്ട്​. പുതിയ സിം എടുക്കു​േമ്പാൾ 1507 എന്ന നമ്പറിലേക്ക്​ വിളിച്ച്​ വിലാസത്തി​‍ൻെറ വിശ്വാസ്യത ഉറപ്പാക്കുന്നതൊഴിച്ചാൽ മറ്റു നിർദേശങ്ങളൊന്നും ബി.എസ്​.എൻ.എൽ നൽകാറില്ലെന്ന്​ കോഴിക്കോട്​ ബി.എസ്​.എൻ.എൽ ജനറൽ മാനേജർ സാനിയ അബ്​ദുൽ ലത്തീഫ്​ അറിയിച്ചു. ബി.എസ്​.എൻ.എൽ അറിയിപ്പെന്നു​ ​െതറ്റിദ്ധരിപ്പിച്ച്​ വരു​ന്ന സന്ദേശങ്ങളിലെ ഫോൺ നമ്പറിൽ വിളിക്കുകയോ വിവരങ്ങൾ കൈമാറു​കയോ ചെയ്യരുത്​. മൊബൈൽ സേവനവുമായി ബന്ധപ്പെട്ട സംശയങ്ങൾക്ക്​ 1503 എന്ന ടോൾഫ്രീ നമ്പറിലേക്ക്​ വിളിക്കുകയോ കസ്​റ്റമർ കെയർ സൻെറുമായി ബന്ധപ്പെടുകയോ ആണ്​ ​വേണ്ടതെന്നും അവർ കൂട്ടിച്ചേർത്തു.