ഹോട്ടലുടമകൾ ആദായനികുതി ഒാഫിസിലേക്ക് മാർച്ച് നടത്തി

കോഴിക്കോട്: ഇന്ധന-പാചകവാതക വിലവർധനവിലും കെ.എസ്.ഇ.ബി ഉദ്യോഗസ്ഥരുടെ ക്രൂരതകളിലും പ്രതിഷേധിച്ച് കേരള ഹോട്ടൽ ആൻഡ്​​ റസ്​റ്റാറൻറ്​​ അസോസിയേഷന്‍ ജില്ല കമ്മിറ്റി നേതൃത്വത്തിൽ ഹോട്ടലുടമകൾ ആദായനികുതി ഒാഫിസിലേക്ക് മാർച്ച് നടത്തി. സ്​റ്റേഡിയം പരിസരത്തുനിന്ന് ആരംഭിച്ച പ്രകടനത്തിൽ നൂറോളം പ്രവർത്തകർ പങ്കെടുത്തു. ആദായനികുതി ഒാഫിസിന് മുന്നിൽ അസോസിയേഷൻ സംസ്ഥാന ജനറൽ സെക്രട്ടറി ജി. ജയപാൽ ധർണ ഉദ്ഘാടനം ചെയ്തു. ജില്ല പ്രസിഡൻറ്​ എൻ. സുഗുണൻ അധ്യക്ഷത വഹിച്ചു. സെക്രട്ടറി യു.എസ്. സന്തോഷ് കുമാർ, സംസ്ഥാന സെക്രട്ടറി അബ്​ദുറഹ്മാൻ തിരൂർ, കാറ്ററിങ്​ അസോസിയേഷൻ സംസ്ഥാന ട്രഷറർ ടി.കെ. രാധാകൃഷ്ണൻ എന്നിവർ സംസാരിച്ചു.