ബി.സി. ബിജേഷിനെ ആദരിച്ചു

ഒളവണ്ണ: കെ.എ.എസിൽ എട്ടാം റാങ്ക് ലഭിച്ച ഒളവണ്ണ ജി.എൽ.പി സ്കൂളിലെ മുൻ അധ്യാപകൻ ബി.സി. ബിജേഷിനെ പി.ടി.എയും ജീവനക്കാരും ചേർന്ന് ആദരിച്ചു. ചടങ്ങ് ഒളവണ്ണ ക്ഷേമകാര്യ സ്​റ്റാൻഡിങ്​ കമ്മിറ്റി ചെയർപേഴ്സൻ സിന്ധു ഉദ്ഘാടനം ചെയ്തു. സാംസ്കാരിക രംഗത്തെ സംഭാവനക്ക് അധ്യാപകൻ ഷിബു മുത്താട്ടിനെ അനുമോദിച്ചു. പഞ്ചായത്ത് അംഗം സബീല നടുവിലകത്ത് അധ്യക്ഷത വഹിച്ചു. മുൻ പഞ്ചായത്ത് പ്രസിഡൻറ് കെ. തങ്കമണി, പി.ടി.എ പ്രസിഡൻറ് ഗംഗേഷ്, കത്തലാട്ട് റനീഷ്, കെ.കെ. ജയപ്രകാശൻ, വി. വിജയൻ, പൊങ്ങോട്ട് കണ്ണൻ, വയലിലകത്ത് കോയ, എം.പി.ടി.എ പ്രസിഡൻറ് ഷിനു, നിഷാര തുടങ്ങിയവർ സംസാരിച്ചു.