ഓടുന്നതിനിടെ കാർ കത്തിനശിച്ചു

കോഴിക്കോട്: മുന്‍ എം.എൽ.എയുടെ മക​‍ൻെറ കാർ ഓടുന്നതിനിടെ കത്തി നശിച്ചു. ബാലുശ്ശേരി എം.എല്‍ ആയിരുന്ന പുരുഷന്‍ കടലുണ്ടിയുടെ മകന്‍ തൊണ്ടയാട് തണല്‍വീട്ടില്‍ വിമല്‍ പുരുഷോത്തമ‍ൻെറ വാഗണ്ആര്‍ കാറിനാണ്​ തീപിടിച്ചത്. ശനിയാഴ്ച രാവിലെ 8.15ന് മെഡിക്കല്‍ കോളജിനു സമീപം റോഡിലാണ് അപകടം. ഡ്രൈവിങ്ങിനിടെ കാറി‍ൻെറ എ.സിയില്‍ നിന്ന് പുക ഉയർന്ന്​​ പെ​െട്ടന്ന് തീപടരുകയായിരുന്നു. പുക കണ്ടയുടനെ കാറിലുണ്ടായിരുന്ന വിമലും മകനും പുറത്തിറങ്ങിയതിനാല്‍ രക്ഷപ്പെട്ടു. വെള്ളിമാട്കുന്ന് ഫയര്‍ഫോഴ്സെത്തി തീയണച്ചു. 2010 മോഡല്‍ കാറാണ് പൂർണമായി കത്തിനശിച്ചത്​. രണ്ടു​ലക്ഷത്തിലേറെ രൂപയുടെ നഷ്​ടം കണക്കാക്ക​ുന്നു.