മാസ്​റ്റേഴ്സ് മീറ്റ്: എറണാകുളം മുന്നിൽ

കോഴിക്കോട്​: സംസ്ഥാന മലയാളി മാസ്​റ്റേഴ്സ് അത്​ലറ്റിക്സ് ചാമ്പ്യൻഷിപ്പിൽ ആദ്യദിനം എറണാകുളം ജില്ല 110 പോയൻറുമായി ലീഡ് ചെയ്യുന്നു. തിരുവനന്തപുരം രണ്ടാമതും കോഴിക്കോട് മൂന്നാമതുമാണ്. ഗവ. മെഡിക്കൽ കോളജ് ഒളിമ്പ്യൻ റഹ്​മാൻ സ്​റ്റേഡിയത്തിൽ നടക്കുന്ന ചാമ്പ്യൻഷിപ്​ മന്ത്രി അഹമ്മദ് ദേവർ കോവിൽ ഉദ്ഘാടനം ചെയ്തു. തോട്ടത്തിൽ രവീന്ദ്രൻ എം.എൽ.എ അധ്യക്ഷതവഹിച്ചു. ഞായറാഴ്​ച വൈകീട്ട് അഞ്ച് മണിക്ക് സമാപന സമ്മേളനത്തിൽ ജില്ല സ്പോർട്​സ്​ കൗൺസിൽ പ്രസിഡൻറ്​ ഒ. രാജഗോപാൽ സമ്മാനദാനം നടത്തും.