തൊഴിലാളികൾക്ക് കടന്നൽ കുത്തേറ്റു

നാദാപുരം: താനക്കോട്ടൂരിൽ തൊഴിലുറപ്പ് ജോലിക്കിടെ കടന്നൽ കുത്തേറ്റ് നിരവധി സ്ത്രീകൾക്ക് പരിക്കേറ്റു. പട്ടാംകുന്ന് അംഗൻവാടിക്കു സമീപം ജോലി ചെയ്യുകയായിരുന്ന സ്ത്രീകളാണ് കൂടിളകിയ കടന്നലി​‍ൻെറ ആക്രമണത്തിനിരയായത്. പതിനഞ്ചിലധികം പേർക്ക് കുത്തേറ്റു. ഇന്നലെ തൊഴിലുറപ്പ് ജോലിക്കിടെയാണ് സംഭവം. സാരമായി കുത്തേറ്റ അക്കരമൽ രേഷ്മയെ തലശ്ശേരി സ്വകാര്യ ആശുപത്രിയിലും മറ്റു രണ്ടുപേരെ പാറക്കടവ് സ്വകാര്യ ആശുപത്രിയിലും പ്രവേശിപ്പിച്ചു.