ഉള്ള്യേരിയിൽ ബസും കാറുകളും അപകടത്തിൽപെട്ടു

ഉള്ള്യേരി: തെരുവത്തുകടവിന് സമീപം സ്വകാര്യ ബസും രണ്ടു കാറുകളും കൂട്ടിയിടിച്ചു. ശനിയാഴ്ച വൈകീട്ട് ആറിനാണ്​ അപകടം. പേരാമ്പ്ര ഭാഗത്തേക്ക് പോയ സ്വകാര്യ ബസും എതിരെ വന്ന കാറുമാണ് കൂട്ടിയിടിച്ചത്. തുടർന്ന് തൊട്ടുപിന്നിലുണ്ടായിരുന്ന കാറും അപകടത്തിൽ പെടുകയായിരുന്നു. സമീപത്തെ മരത്തിൽ ഇടിച്ചാണ് ബസ് നിന്നത്. അപകടത്തിൽപെട്ട ഒരു കാറി​‍ൻെറ മുൻഭാഗം പാടെ തകർന്നു. പരിക്കേറ്റ ഉളേള്യരി ആനവാതിൽ സ്വദേശികളായ കാർയാത്രികരെ കോഴിക്കോട് സ്വകാര്യ ആശുപത്രിയിൽ പ്രവേശിപ്പിച്ചു.