സാമൂഹികദ്രോഹികൾ വീട് അടിച്ചുതകർത്തതായി പരാതി

ബാലുശ്ശേരി: വയലട മുള്ളൻപാറക്കടുത്ത് വീട് സാമൂഹികദ്രോഹികൾ അടിച്ചു തകർത്തതായി പരാതി. കഴിഞ്ഞദിവസം വയലട മുള്ളൻപാറക്ക് സമീപം യമിലി ജോർജി​ൻെറ തറവാട് വീടാണ് സാമൂഹികദ്രോഹികൾ അടിച്ചുതകർത്തതായി പരാതി ഉയർന്നത്. കുടുംബ സ്വത്ത് സംബന്ധിച്ച തർക്കത്തിലായ തറവാട് വീട്ടിൽ യമിലി ജോർജ് തനിച്ചാണ് താമസിക്കുന്നത്. കഴിഞ്ഞദിവസം അർധരാത്രിയോടെയെത്തിയ സംഘം വീടി​‍ൻെറ ചുമരടക്കം അടിച്ചുതകർക്കുകയായിരുന്നു. സി.പി.എം കാന്തലാട് ലോക്കൽ സെക്രട്ടറി കെ.കെ. ബാബു, വാർഡ് മെംബർമാരായ റംല ഹമീദ്, ദീലീപ്, അജീന്ദ്രൻ കല്ലച്ചികണ്ടി എന്നിവർ സ്ഥലം സന്ദർശിച്ചു.