ജില്ല മിനി വോളിബാൾ ചാമ്പ്യൻ ഷിപ്: സാരംഗി മാക്കൂൽ ജേതാക്കൾ

വടകര: ജില്ല മിനി വോളിബാൾ വടകര സോണൽ ചാമ്പ്യൻഷിപ്പിൽ സാരംഗി മാക്കൂൽ ജേതാക്കളായി. ഫൈനലിൽ ബ്രദേഴ്‌സ് വാണിമേലിനെ പരാജയപ്പെടുത്തിയാണ് സാരംഗി ജേതാക്കളായത്. ഐ.പി.എം വോളിബാൾ അക്കാദമി മൂന്നാം സ്ഥാനവും നേടി. ഈ മൂന്ന് ടീമുകളോടൊപ്പം വടകര വോളി ലവേഴ്സ് വെൽഫെയർ സൊസൈറ്റിയും ഫൈനൽ റൗണ്ട് മത്സരത്തിലേക്ക്​ അർഹതനേടി. വിജയികൾക്കുള്ള ട്രോഫി വോളിബോൾ അസോസിയേഷൻ വൈസ് പ്രസിഡൻറ്​ ടി. പി മുസ്തഫയും റണ്ണർ അപ്പ്‌ ട്രോഫി വോളിബാൾ അസോസിയേഷൻ ജില്ല ട്രഷറർ വി.കെ. പ്രദീപനും വിതരണം ചെയ്തു. ചാമ്പ്യൻ ഷിപ് ഉദ്ഘാടനം നഗരസഭ കൗൺസിലർ എ. പ്രേമകുമാരി നിർവഹിച്ചു. രാഘവൻ മണിക്കോത്ത് അധ്യക്ഷതവഹിച്ചു. സുഗുണേഷ് കുറ്റിയിൽ മുഖ്യാതിഥിയായിരുന്നു. പി.കെ. വിജയൻ, ഡിവൈ.എസ്.പി അബ്​ദുൽ വഹാബ്, സി.ഐ എം.പി. ആസാദ്, വി.എം. ഷീജിത്ത്, സി.വി. വിജയൻ, വി.പി. ലിതേഷ്, കെ. നസീർ, എം.സി. സുരേഷ്, ഞേറലാട്ടു രവീന്ദ്രൻ, എം. മുരളീധരൻ, ബഷീർ പട്ടാര എന്നിവർ സംസാരിച്ചു. പടം:ജില്ല മിനി വോളിബാൾ ചാമ്പ്യൻ ഷിപ്പിൽ ജേതാക്കളായ സാരംഗി മാക്കൂൽ ടീം saji 7