''വെറൈറ്റി ചിക്കൻ'' സ്​റ്റാളിൽ നാലുകാലുള്ള കോഴി

ബേപ്പൂർ: കോഴിക്കടയിൽ മൊത്ത കച്ചവടക്കാർ എത്തിച്ച കോഴികളിൽ നാലുകാലുള്ള കോഴിയെ കണ്ടെത്തി. മാറാട് വായനശാലക്ക് സമീപം വാട്ടർടാങ്ക് നൂർ ജുമാ മസ്ജിദിന് സമീപത്തെ ''വെറൈറ്റി'' ചിക്കൻ സ്​റ്റാളിലാണ് ''വെറൈറ്റി കോഴി''യെ കിട്ടിയത്. നാലുകാലുള്ള കോഴിയെ കിട്ടിയെന്നറിഞ്ഞതോടെ പ്രദേശത്തുകാർക്ക് കാണാൻ കൗതുകമായി. മാറാട് സ്വദേശി വി.സി. ഷംസുദ്ദീ​ൻെറ ഉടമസ്ഥതയിലുള്ള കടയിലേക്ക് മലപ്പുറം ഫാമിൽനിന്ന് എത്തിച്ച ബ്രോയിലർ കോഴികളിൽനിന്നാണ് രണ്ട് കിലോയോളം തൂക്കം വരുന്ന നാലുകാലുള്ള കോഴിയെ ലഭിച്ചത്. കോഴിയെ വിൽപനയിൽനിന്ന് ഒഴിവാക്കി കൂട്ടിലിട്ട് വളർത്താനാണ് ഉടമസ്ഥ​ൻെറ തീരുമാനം