പ്ലസ് വൺ വിദ്യാർഥികളെ വരവേറ്റു

പേരാമ്പ്ര: ഒന്നരവർഷത്തെ ഇടവേളക്കുശേഷം സ്കൂളിലെത്തിയ വിദ്യാർഥികൾക്ക് നൊച്ചാട് ഹയർ സെക്കൻഡറി സ്കൂൾ നാഷനൽ സർവിസ് യൂനിറ്റ്​ വരവേൽപ് നൽകി. പത്താം ക്ലാസ് പഠനം പൂർണമായും ഓൺലൈനിലായിരുന്ന കുട്ടികളാണ് നീണ്ട ഇടവേളക്ക് ശേഷം പ്ലസ് വൺ ക്ലാസുകളിലേക്ക് തിരിച്ചെത്തിയത്. ആഹ്ലാദം അലയടിച്ച അന്തരീക്ഷത്തിൽ അധ്യാപകരും വളൻറിയർമാരും ചേർന്ന് കുട്ടികളെ കോവിഡ് മാനദണ്ഡങ്ങൾ പറഞ്ഞുകൊടുത്തും പാലിച്ചും സ്കൂളുകളിലേക്ക് സ്വീകരിച്ചു. പ്രിൻസിപ്പൽ സി. അബ്​ദുറഹ്മാൻ, കെ. സമീർ, കെ.വി. അബു, കെ.കെ. ഷോബിൻ, റിയ ഫാത്തിമ, ടി.എസ്. നന്ദന, ഹിമ, മാസിൻ, നന്ദന ലക്ഷ്മി, എസ്.ആർ. സായന്ത് എന്നിവർ നേതൃത്വം നൽകി.