റഗ്ബി ചാമ്പ്യന്‍ഷിപ് ഇന്ന്​ തുടങ്ങും

കോഴിക്കോട്: ജില്ല റഗ്ബി അസോസിയേഷ‍​ൻെറ ആഭിമുഖ്യത്തില്‍ സംഘടിപ്പിക്കുന്ന കേരള ജൂനിയര്‍ റഗ്ബി ചാമ്പ്യന്‍ഷിപ് ഒളിമ്പ്യന്‍ റഹിമാന്‍ സ്‌റ്റേഡിയത്തില്‍ നവംബര്‍ 16, 17 തീയതികളില്‍ നടക്കും. 14 ജില്ലകളില്‍നിന്നായി ആൺ-പെൺ ടീം പങ്കെടുക്കുന്നുണ്ട്. ഏതാണ്ട് അറുനൂറോളം കായികതാരങ്ങള്‍, ഒഫീഷ്യലുകൾ എന്നിവർ മേളയില്‍ എത്തും. പെണ്‍കുട്ടികള്‍ക്ക് ഒളിമ്പ്യന്‍ റഹിമാന്‍ സ്‌റ്റേഡിയത്തിലും ആണ്‍കുട്ടികള്‍ക്ക് ജില്ലയിലെ വിവിധ ലോഡ്ജുകളിലും താമസസൗകര്യം ഒരുക്കിയിട്ടുണ്ട്. റഗ്ബി അസോസിയേഷനുവേണ്ടി സുബൈര്‍ കൊളകാടന്‍, അമല്‍ സേതുമാധവന്‍, ടി.എം. അബ്​ദുറഹിമാന്‍ എന്നിവർ വാർത്തസമ്മേളനത്തില്‍ പങ്കെടുത്തു.