റാങ്ക് ജേതാവിനെ അനുമോദിച്ചു

പേരാമ്പ്ര: അഖിലേന്ത്യാ അഗ്രികൾച്ചറൽ എൻട്രൻസ് പരീക്ഷയിൽ 30-ാം റാങ്കും ഒ.ബി.സി വിഭാഗത്തിൽ എട്ടാം റാങ്കും നേടിയ കല്ലോട് സ്വദേശിനി അമേയ ദിനേശിനെ പേരാമ്പ്ര ലയൺസ് ക്ലബ്​ അനുമോദിച്ചു. പ്ലാൻറ്​​ സയൻസ് വിഭാഗത്തിലാണ് അമേയ അഭിമാനനേട്ടം കൈവരിച്ചത്. കല്ലോട് എ.എൽ.പി സ്കൂൾ അധ്യാപകൻ ദിനേശ് കുമാറി‍ൻെറയും ശ്രീനയുടെയും മകളാണ്. പേരാമ്പ്ര ലയൺസ് ക്ലബ്​ പ്രസിഡൻറ്​​ വി.എൻ. മുരളീധരൻ അധ്യക്ഷത വഹിച്ചു. സീനിയർ ലയൺ മെംബർ അലങ്കാർ ഭാസ്കരൻ ഉപഹാരം നൽകി. ക്ലബ്​ സെക്രട്ടറി സുരേഷ് നമ്പ്യാർ, ഡോ. സനിൽ കുമാർ, ഇ.ടി. രഘു, കെ.കെ. ബാലൻ, ഭാസ്കരൻ മേപ്പയൂർ, സത്യൻ മഠത്തിൽ എന്നിവർ സംസാരിച്ചു. Photo: അഖിലേന്ത്യാ അഗ്രികൾച്ചറൽ എൻട്രൻസ് പരീക്ഷയിൽ 30ാം റാങ്കും ഒ.ബി.സി വിഭാഗത്തിൽ എട്ടാം റാങ്കും നേടിയ പേരാമ്പ്ര കല്ലോട് സ്വദേശിനി അമേയ ദിനേശിനെ പേരാമ്പ്ര ലയൺസ് ക്ലബ്​ അനുമോദിക്കുന്നു