ആവള - പന്നിമുക്ക് റോഡ് ഗതാഗതയോഗ്യമാക്കാൻ ധർണ

പേരാമ്പ്ര: ചെറുവണ്ണൂർ ഗ്രാമപഞ്ചായത്തിലെ പ്രധാന റോഡുകളിലൊന്നായ ആവള - പന്നിമുക്ക് റോഡ് ഗതാഗതയോഗ്യമാക്കണമെന്നാവശ്യപ്പെട്ട് കുട്ടോത്ത് ശാഖാ മുസ്​ലിം ലീഗ് കമ്മിറ്റി പന്നിമുക്കിൽ സായാഹ്ന ധർണ നടത്തി. കരാറുകാരുടെയും അധികാരികളുടെയും ഒത്തുകളി അവസാനിപ്പിച്ച് എത്രയുംവേഗം റോഡി‍ൻെറ പ്രവൃത്തി ആരംഭിക്കണമെന്ന് ആവശ്യപ്പെട്ടാണ് ലീഗ് സമരം ചെയ്തത്. മുസ്​ലിം ലീഗ് പഞ്ചായത്ത് ജനറൽ സെക്രട്ടറി അബ്​ദുൽ കരീം കോച്ചേരി ഉദ്ഘാടനം ചെയ്തു. ശാഖാ പ്രസിഡൻറ്​​ ടി.ടി. അഷ്റഫ് അധ്യക്ഷത വഹിച്ചു. സെക്രട്ടറി മുഹമ്മദ്‌ കളിയെടുത്ത്, മുസ്​ലിം ലീഗ് പഞ്ചായത്ത് വൈസ് പ്രസിഡൻറ്​​ എൻ. അഹമദ് മൗലവി, പി.സി. ഉബൈദ്, ഷമീം കക്കറമുക്ക്, ആലക്കാട്ട് മുഹമ്മദ്, എ.കെ.സി. അഫ്സൽ, പി.സി. മുനീർ എന്നിവർ സംസാരിച്ചു. photo: പന്നിമുക്കിൽ മുസ്​ലിം ലീഗ് നടത്തിയ ധർണ