കെ.എസ്.ഇ.ബിയുടെ നടപടിക്കെതിരെ പ്രതിഷേധം

മാവൂർ: ഹോട്ടൽ ഉടമകൾക്ക് തവണകളായി വൈദ്യുതി ബിൽ അടക്കാൻ സർക്കാർ നൽകിയ ഇളവ് അംഗീകരിക്കാൻ തയാറാവാത്ത കെ.എസ്.ഇ.ബിയുടെ നടപടിക്കെതിരെ കേരള ഹോട്ടൽ ആൻഡ് റസ്​റ്റാറൻറ് അസോസിയേഷൻ (കെ.എച്ച് ആർ.എ) ജില്ല ഈസ്​റ്റ്​ യൂനിയൻ പ്രതിഷേധിച്ചു. മാവൂർ എസ്.ടി.യു ഓഫിസിൽ നടന്ന വാർഷിക ജനറൽ ബോഡി ജില്ല സെക്രട്ടറി യു.എസ്. സന്തോഷ് ഉദ്ഘാടനം ചെയ്തു. ദീർഘകാലം ഹോട്ടൽ മേഖലയിൽ പ്രവർത്തിച്ച ഹൈദർ വട ടീ സ്​റ്റാൾ, മൊയ്തീൻ കോയ ഫെയ്മസ് എന്നിവരെ ആദരിച്ചു. ബാവ വെറൈറ്റി അധ്യക്ഷത വഹിച്ചു. ഷബീർ വെള്ളിപറമ്പ്, ഹുമയൂർ കബീർ, ശക്തിധരൻ, പി.പി. സിൽഹാദ്, അഷ്റഫ് സ്വീകാർ, ഗഫൂർ വയനാട് എന്നിവർ സംസാരിച്ചു. ശബീർ വെള്ളിപ്പറമ്പ് സ്വാഗതവും ജെയിൻ നന്ദിയും പറഞ്ഞു.