ആരോഗ്യപ്രവർത്തകർക്ക് സ്നേഹാദരം

കുറ്റിക്കാട്ടൂർ: കോവിഡ് പ്രതിരോധ പ്രവർത്തനത്തിൽ ത്യാഗപൂർണമായ സേവനം നടത്തിയ ആരോഗ്യപ്രവർത്തകർക്ക്​ പെരുവയൽ ഗ്രാമപഞ്ചായത്ത് സ്നേഹാദരം നൽകി. എം.കെ. രാഘവൻ എം.പി ഉദ്ഘാടനം ചെയ്തു. പ്രസിഡൻറ് എം.കെ. സുഹറാബി അധ്യക്ഷത വഹിച്ചു. അനീഷ് പാലാട്ട്, ബ്ലോക്ക് പഞ്ചായത്ത് സ്​റ്റാൻഡിങ് കമ്മിറ്റി ചെയർമാൻ എൻ. അബൂബക്കർ, ഗ്രാമപഞ്ചായത്ത് സ്​റ്റാൻഡിങ് കമ്മിറ്റി ചെയർമാൻമാരായ സുബിത തോട്ടാഞ്ചേരി, പി.കെ. ഷറഫുദ്ദീൻ, സീമ ഹരീഷ്, അനിത പുനത്തിൽ, പി.എം. ബാബു, ഉനൈസ് പെരുവയൽ, ഡോ. ജയരാജൻ, ഡോ. പ്രഷീല, ഡോ. രേണുക എന്നിവർ സംസാരിച്ചു.