എരഞ്ഞോളി മൂസ, പീർ മുഹമ്മദ്, വി.എം. കുട്ടി അനുസ്മരണം

മടവൂർ: ന്യൂ ആൻഡ് ഓൾഡ് കലാവേദി മാപ്പിളപ്പാട്ട് ഗായകരായ എരഞ്ഞോളി മൂസ, പീർ മുഹമ്മദ്, വി.എം. കുട്ടി അനുസ്മരണം സംഘടിപ്പിച്ചു. ഗാനരചയിതാവ് പക്കർ പന്നൂർ ഉദ്ഘാടനം ചെയ്തു. കെ.ടി. അബ്​ദുൽ അസീസ് അധ്യക്ഷത വഹിച്ചു. അസൈൻ പുല്ലാളൂർ, ബക്കർ തോട്ടുമ്മൽ, അഷ്റഫ് കൊടുവള്ളി, ഫസൽ കൊടുവള്ളി, ടി.കെ. അബൂബക്കർ, എ.പി. യൂസഫ് അലി, റസാഖ്, പി. ബഷീർ, കെ.കെ. സക്കീർ തുടങ്ങിയവർ സംസാരിച്ചു. സി.കെ. ഏളേറ്റിൽ സ്വാഗതവും സലീം പുല്ലാളൂർ നന്ദിയും പറഞ്ഞു. കൊടുവള്ളി: തനിമ കലാസാഹിത്യ വേദി കരുവമ്പൊയിൽ ചാപ്റ്ററി​‍ൻെറ നേതൃത്വത്തിൽ സിനിമനടൻ നെടുമുടി വേണു, മാപ്പിളപ്പാട്ട് കലാകാരന്മാരായ വി.എം. കുട്ടി, പീർ മുഹമ്മദ് എന്നിവരെ അനുസ്മരിച്ചു. സലാം കരുവമ്പൊയിൽ ഉദ്ഘാടനം ചെയ്തു. എം.പി.എ. ഖാദിർ കരുവമ്പൊയിൽ, ഹബീബുറഹ്മാൻ, റംല, ഇ. റസാഖ്, കെ. അബ്​ദുൽ സലാം, അബ്​ദുല്ലത്തീഫ് കരീറ്റിപറമ്പ് എന്നിവർ സംസാരിച്ചു. ബാസിമ ജാബിർ, ടി.പി.എം. കുട്ടി, കെ. അബ്​ദുല്ല, ഫസ്‌ല ഇഖ്ബാൽ എന്നിവരുടെ നേതൃത്വത്തിൽ പാട്ട്​ അവതരണവും നടന്നു. മൻസൂർ കരുവമ്പൊയിൽ സ്വാഗതം പറഞ്ഞു.