വെടിവെച്ച കാട്ടുപന്നി കിണറ്റിൽ വീണു

മാവൂർ: ഗ്രാമപഞ്ചായത്ത് 11ാം വാർഡിൽ പനങ്ങോട് കുന്നുമ്മൽ നടുക്കണ്ടിയിൽ കൃഷിയിടത്തിലിറങ്ങിയ കാട്ടുപന്നിയെ വെടിവെച്ചുകൊന്നു. എംപാനൽ ലിസ്​റ്റിൽപെട്ട സി.എം. ബാലനാണ് ബുധനാഴ്ച രാത്രി 12ഓടെ കാട്ടുപന്നിയെ വെടി​െവച്ചത്. വെടിയേറ്റ് ഓടിയ പന്നി ഗ്രാസിം ഫാക്ടറി ഉടമസ്ഥതയിലുള്ള പറമ്പിലെ ഉപയോഗശൂന്യമായ കിണറ്റിൽ വീഴുകയായിരുന്നു. തുടർന്ന് വ്യാഴാഴ്ച രാവിലെ വനം വകുപ്പ് ഉദ്യോഗസ്ഥരെത്തി പുറത്തെടുത്ത് മൃതദേഹം നടപടികൾക്കു ശേഷം സംസ്കരിച്ചു. നാല് വയസ്സുള്ള ആൺ പന്നിക്ക് 120 കിലോ ഭാരമുണ്ട്. പീടികപ്പാറ സെക്​ഷൻ ഗ്രേഡ് ഫോറസ്​റ്റ്​ ഓഫിസർ കെ. ബാബു, ആർ.ആർ.ടി ഡെപ്യൂട്ടി റേഞ്ച്​ ഓഫിസർ ടി. അജികുമാർ, സി.കെ. ഷബീർ , കരീം മുക്കം, എം.എ. ഷിജിത്ത് എന്നിവരുടെ നേതൃത്വത്തിലാണ് നടപടികൾ പൂർത്തിയാക്കിയത്. ഗ്രാമ പഞ്ചായത്ത് അംഗം കെ.സി. വാസന്തി വിജയനും സ്ഥലത്തെത്തി.