ശുചിത്വ പെരുമാറ്റച്ചട്ടം: ആദ്യഘട്ട പരിശീലനത്തിന് തുടക്കം

കോഴിക്കോട്: കോഴിക്കോട് മുനിസിപ്പൽ കോർപറേഷൻ പരിധിയിൽ ശുചിത്വ പെരുമാറ്റച്ചട്ടം കൊണ്ടുവരുന്നതി‍ൻെറ ഭാഗമായി കോർപറേഷൻ കൗൺസിലർമാർക്കും വകുപ്പ് മേധാവികൾക്കുമായുള്ള ദ്വിദിന പരിശീലനം നവംബർ 27, 28 തീയതികളിലായി കാരപ്പറമ്പ് ഗവ. ഹയർ സെക്കൻഡറി സ്കൂളിൽ നടക്കും. ആരോഗ്യ-സാമൂഹിക മേഖലകളിലെ വിദഗ്​ധര്‍ അടങ്ങുന്ന സംഘമാണ് പരിശീലനം നൽകുക. നഗരത്തിൽ ശുചിത്വ പെരുമാറ്റച്ചട്ടം നിലവിൽവരുത്തുന്നതി‍ൻെറ ഭാഗമായ ആദ്യഘട്ട പരിപാടിയാണിത്. നഗരസഭയിലെ 50ലധികം ആരോഗ്യ പ്രവര്‍ത്തകര്‍ക്കും കോര്‍പറേഷനിലെ 620 ശുചീകരണ തൊഴിലാളികള്‍ക്കും പരിശീലനം നല്‍കി.