പണമടങ്ങിയ പഴ്സ് തിരിച്ചുനൽകി

നന്മണ്ട: പണവും എ.ടി.എം കാർഡും അടങ്ങിയ പഴ്‌സ് ഉടമസ്ഥന് തിരിച്ചുകൊടുത്ത് ഓട്ടോ ഡ്രൈവർ. യാത്രക്കിടയിൽ നഷ്​ടപ്പെട്ട എകരൂൽ സ്വദേശിയായ സെയിൽസ് എക്സിക്യൂട്ടിവ് അനോഷ് പൊയിലി​‍ൻെറ പഴ്സാണ് തിരിച്ചുകിട്ടിയത്. നന്മണ്ട 13ലെ ഓട്ടോ ഡ്രൈവർ നാഷനൽ സ്കൂളിനടുത്തെ കണ്ടിയിൽ സാദ്ദിഖിന്​ ഇയ്യാട്ടെക്കുള്ള യാത്രാമധ്യേയാണ് സി.സി സ്കൂളിന് സമീപത്തുനിന്നും പഴ്സ് റോഡിൽ വീണുകിട്ടിയത്​. ഉടനെ പഴ്സ് തുറന്ന് നോക്കിയപ്പോൾ എ.ടി.എം കാർഡുകളും തിരിച്ചറിയൽ കാർഡും കുറച്ചു രൂപയും കണ്ടു. പേരും ഫോൺ നമ്പറും കണ്ടതോടെ വിളിച്ച് വിവരം പറയുകയും ഉടമസ്ഥന് പഴ്സ് കൈമാറുകയും ചെയ്തു. cap കളഞ്ഞുകിട്ടിയ പഴ്സ് ഉടമക്ക്​ സാദ്ദിഖ് തിരിച്ചുനൽകുന്നു