കശ്മീർ-ലഡാക്ക്​: യുവസഞ്ചാരികൾക്ക് നാടി​െൻറ ആദരം

കശ്മീർ-ലഡാക്ക്​: യുവസഞ്ചാരികൾക്ക് നാടി​ൻെറ ആദരം ആയഞ്ചേരി: സൈക്കിൾ ചവിട്ടി ആയഞ്ചേരി, മാങ്ങോട്നിന്ന്​ കശ്മീർവരെ സഞ്ചരിച്ച് തിരിച്ചെത്തിയ ആച്ചേരി അബ്​ദുറസാഖി​ൻെറ മകൻ മുഹമ്മദ് സാബിക്കിനും വള്ളിയാട് സ്വദേശി മുഹമ്മദ് സവാദിനും ജന്മനാട്ടിൽ സ്വീകരണം. സെപ്​റ്റംബർ 17നാണ​്​ ലഡാക്കിലേക്ക് സൈക്കിളിൽ ഇരുവരും യാത്രതിരിച്ചത്. മംഗളൂരു, ഗോവ, ഗുജറാത്ത്, രാജസ്ഥാൻ, പഞ്ചാബ്, ഹരിയാന വഴി 3600 കിലോമീറ്റർ സഞ്ചരിച്ച് രണ്ട് മാസം കൊണ്ടാണ് കശ്മീരിലെത്തിയത്. സാഹസിക യാത്രക്കൊടുവിൽ ഞായറാഴ്ച വൈകീട്ടാണ് തിരിച്ചെത്തിയത്. ബിരുദ വിദ്യാർഥിയായ സാബിക്ക്‌ ഡയറക്ട് മാർക്കറ്റിങ്ങിലൂടെയാണ്​ യാത്രക്കുള്ള പണം കണ്ടെത്തിയത്. വില്യാപ്പള്ളിയിൽ പഴക്കട നടത്തുകയാണ് സഹയാത്രികനായ സവാദ്. താമസച്ചെലവ് കുറക്കാൻ പെട്രോൾ പമ്പിലും മറ്റും ടൻെറ്​ അടിച്ചായിരുന്നു കൂടുതലും താമസിച്ചത്. പലപ്പോഴും ഗുരുദ്വാരകളിലെയും നല്ലവരായ ഗ്രാമീണരുടെയും താമസ, ഭക്ഷണ സൗകര്യങ്ങൾ ലഭിച്ചു. കശ്മീരിലെ ഗ്രാമത്തിൽ ഒറ്റപ്പെട്ടുപോയ ഇവർക്ക് പ്രദേശവാസികളുടെ ഇടപെടൽ കാരണം പൊലീസി​ൻെറ സഹായത്തോടെ താമസസൗകര്യമൊരുക്കുകയുണ്ടായി. സമൂഹമാധ്യമങ്ങളിൽ കാണുന്ന ഭീകരമായ ഉത്തരേന്ത്യൻ അനുഭവമല്ല തങ്ങൾക്ക്​ ഉണ്ടായതെന്ന്​ ഇവർ അനുസ്മരിക്കുന്നു. സാഹസിക സഞ്ചാരികളെ മാറോട്​ ചേർത്തുവെക്കുന്ന ഗ്രാമീണരാണ്​ അവിടെ ഉള്ളത്​. സ്വീകരണച്ചടങ്ങിൽ തിരുവള്ളൂർ ഗ്രാമപഞ്ചായത്ത് വൈസ് പ്രസിഡൻറ്​ എഫ്.എം. മുനീർ, കാട്ടിൽ അമ്മദ്‌ ഹാജി തുടങ്ങിയവർ സംബന്ധിച്ചു. പടം..സൈക്കിൾ ചവിട്ടി ആയഞ്ചേരി, മാങ്ങോട് നിന്നും കശ്മീർ വരെ സഞ്ചരിച്ച് തിരിച്ചെത്തിയ മുഹമ്മദ് സാബിക്കും മുഹമ്മദ് സവാദും