മുഹമ്മദ് അബ്​ദുറഹിമാൻ സാഹിബ് നിത്യ പ്രചോദനം -പി.ടി. കുഞ്ഞുമുഹമ്മദ്

മുക്കം: മുഹമ്മദ് അബ്​ദുറഹിമാൻ സാഹിബ് സാഹിത്യകാരന്മാർക്കും സാധാരണക്കാർക്കും നിത്യപ്രചോദനമാണെന്ന് സംവിധായകൻ പി.ടി. കുഞ്ഞുമുഹമ്മദ്. മുക്കം എം.എ.എം.ഒ കോളജ് ജേണലിസം, അഡ്വർടൈസിങ്​ വിഭാഗങ്ങൾ സംയുക്തമായി സംഘടിപ്പിച്ച അബ്​ദുറഹിമാൻ സാഹിബ് വാരാചരണ സമാപന സമ്മേളനത്തിൽ സംസാരിക്കുകയായിരുന്നു അദ്ദേഹം. മത സഹാർദത്തിനും രാഷ്​ട്രത്തി‍ൻെറ അഖണ്ഡതക്കും നിരന്തരം പ്രയത്നിച്ച വ്യക്തിയായിരുന്നു സാഹിബെന്ന് അദ്ദേഹം അനുസ്മരിച്ചു. ജേണലിസം വിഭാഗം തലവൻ പി. അബ്​ദുൽ ബായിസ് അധ്യക്ഷത വഹിച്ചു, വൈസ് പ്രിൻസിപ്പൽ ഡോ. അബൂബക്കർ മാങ്ങാട്ടുചാലി സമ്മേളനം ഉദ്ഘാടനം ചെയ്തു. മാനേജ്മൻെറ് പ്രതിനിധി മരക്കാർ മാസ്​റ്റർ, അജ്മൽ മുഈൻ, ജസ്ബിറ, എം.സി. മുഹമ്മദ് സംബന്ധിച്ചു. എ. നിസാർ സ്വാഗതവും ഡോണ ജോസഫ് നന്ദിയും പറഞ്ഞു.