സംസ്ഥാന കാരംസ് ചാമ്പ്യൻഷിപ്പിന് കാഞ്ഞങ്ങാട്ട് തുടക്കം

കാഞ്ഞങ്ങാട്: 32ാമത് സംസ്ഥാന കാരംസ് ചാമ്പ്യൻഷിപ്​ പടന്നക്കാട് ഗുഡ് ഷെപ്പേഡ് പാസ്​റ്ററൽ സെന്‍ററിൽ ഇ. ചന്ദ്രശേഖരൻ എം.എൽ.എ ഉദ്ഘാടനം ചെയ്തു. കാഞ്ഞങ്ങാട് നഗരസഭാധ്യക്ഷയും സംഘാടക സമിതി ചെയർപേഴ്സനുമായ കെ.വി. സുജാത അധ്യക്ഷത വഹിച്ചു. കാരംസ്​ ബോർഡിന് ഇരുവശവുമിരുന്ന് ഉദ്ഘാടകനും അധ്യക്ഷയും മത്സരിച്ചുകൊണ്ടാണ്​ ചാമ്പ്യൻഷിപ്​ തുടങ്ങിയത്. ജില്ല കാരംസ് അസോസിയേഷൻ പ്രസിഡൻറ്​​ പ്രഫ.കെ.പി. ജയരാജൻ ആമുഖഭാഷണം നടത്തി. കാരംസ് അസോസിയേഷൻ കേരള പ്രസിഡൻറ്​​ പി.എസ്. മനേഷ്​, സെക്രട്ടറി എം.പി. ചന്ദ്രശേഖരൻ എന്നിവർ മുഖ്യാതിഥികളായി. സംഘാടക സമിതി വർക്കിങ് ചെയർമാനും നീലേശ്വരം നഗരസഭ വൈസ് ചെയർമാനുമായ പി.പി. മുഹമ്മദ് റാഫി, കാഞ്ഞങ്ങാട് നഗരസഭ സ്​റ്റാൻഡിങ്​ കമ്മിറ്റി ചെയർമാൻ കെ. അനീശൻ, കൗൺസിലർ എം. ബൽരാജ്, അസോസിയേഷൻ ട്രഷറർ ഗണേഷ് അരമങ്ങാനം, ഫാ. തോമസ് പൈനാടത്ത്, നീലേശ്വരം സർവിസ് സഹകരണ ബാങ്ക് പ്രസിഡൻറ്​​ എം. രാധാകൃഷ്ണൻ നായർ, കാഞ്ഞങ്ങാട് മർച്ചൻറ്​​സ്​ അസോസിയേഷൻ പ്രസിഡൻ്റ് സി. യൂസഫ് ഹാജി, അബ്​ദുൽ റസാഖ് തായലക്കണ്ടി, ടി.ജെ. സന്തോഷ്, ടി. സത്യൻ പടന്നക്കാട്, മീഡിയ കമ്മിറ്റി കൺവീനർ സർഗം വിജയൻ, ടൂർണമൻെറ്​ കോഓഡിനേറ്റർ മനോജ് പള്ളിക്കര എന്നിവർ സംസാരിച്ചു. സംഘാടക സമിതി ജനറൽ കൺവീനർ ശ്യാംബാബു വെള്ളിക്കോത്ത് സ്വാഗതവും ഫിനാൻസ് കമ്മിറ്റി ചെയർമാൻ ഐശ്വര്യ കുമാരൻ നന്ദിയും പറഞ്ഞു.12 ജില്ലകളിൽ നിന്നുള്ള ഇരുനൂറോളം താരങ്ങളാണ് ചാമ്പ്യൻഷിപ്പിൽ മത്സരിക്കുന്നത്. പടം: സംസ്ഥാന കാരംസ് ചാമ്പ്യൻഷിപ്​ ഇ. ചന്ദ്രശേഖരൻ എം.എൽ.എ ഉദ്ഘാടനം ചെയ്യുന്നു