ബൈക്കും കാറും കൂട്ടിയിടിച്ച്​ രണ്ടു യുവാക്കള്‍ മരിച്ചു

കല്‍പറ്റ: കൈനാട്ടിയിൽ ബൈക്കും കാറും കൂട്ടിയിടിച്ച്​ ബൈക്ക്​ യാത്രക്കാരായ രണ്ടു​ യുവാക്കൾ മരിച്ചു. മേപ്പാടി വിത്തുകാട് കോളനിയിലെ കല്ലിവളപ്പില്‍ ഗിരീഷി​ൻെറയും ശ്രീദേവിയുടെയും മകന്‍ വിഷ്ണു (20), മംഗളത്തൊടിയില്‍ പരേതനായ ശശികുമാറി​ൻെറയും ശോഭിനിയുടെയും മകന്‍ ഷിബിത്ത്കുമാര്‍ (23) എന്നിവരാണ് മരിച്ചത്. വ്യാഴാഴ്​ച വൈകീട്ട് 5.30ഓടെയായിരുന്നു അപകടം. ഗുരുതര പരിക്കേറ്റ ഇരുവരേയും കല്‍പറ്റയിലെ സ്വകാര്യ ആശുപത്രിയില്‍ പ്രവേശിപ്പിച്ചെങ്കിലും രക്ഷിക്കാനായില്ല. കൈനാട്ടിയിലെ എന്‍ഫോഴ്‌സ്‌മൻെറ്​ ആര്‍.ടി.ഒ ഓഫിസിന് സമീപത്തുവെച്ച്, മാനന്തവാടി ഭാഗത്തുനിന്ന് കല്‍പറ്റയിലേക്കു വരുകയായിരുന്ന ടൈൽ പണിക്കാരായ യുവാക്കൾ സഞ്ചരിച്ച ബൈക്ക് നിയന്ത്രണംവിട്ട് എതിരെ വന്ന കാറിലിടിക്കുകയായിരുന്നുവെന്ന്​ ദൃക്‌സാക്ഷികള്‍ പറഞ്ഞു. ഇരുവരുടെയും മൃതദേഹം കല്‍പറ്റ സ്വകാര്യ ആശുപത്രിയിലെ മോര്‍ച്ചറിയില്‍ സൂക്ഷിച്ചിരിക്കുകയാണ്. വെള്ളിയാഴ്​ച രാവിലെ പൊലീസി​ൻെറ ഇന്‍ക്വസ്​റ്റ്​ നടപടികള്‍ പൂര്‍ത്തീകരിച്ച ശേഷം വൈത്തിരി താലൂക്ക് ആശുപത്രിയില്‍നിന്ന്​ പോസ്​റ്റ്​മോര്‍ട്ടത്തിന് ശേഷം ബന്ധുക്കള്‍ക്ക് വിട്ടുകൊടുക്കും. ഷിജിത്ത്കുമാര്‍, ഷജിത്ത്കുമാര്‍ എന്നിവരാണ് ഷിബിത്തി​ൻെറ സഹോദരങ്ങള്‍. ജിഷ്ണു, അര്‍ജുന്‍ എന്നിവരാണ് വിഷ്ണുവി​ൻെറ സഹോദരങ്ങള്‍. THUWDG Shibith kumar ഷിബിത്ത്​ കുമാർ ​THUWDG Vishnu വിഷ്​ണു