കെ റെയിൽ: സർക്കാർ പ്രവർത്തിക്കുന്നത്​ ബഹുരാഷ്​​ട്ര കുത്തകകൾക്കു വേണ്ടി -യു.ഡി.എഫ്​

കോഴിക്കോട്​: കെ-റെയില്‍ പദ്ധതിയെക്കുറിച്ച് ജനങ്ങള്‍ക്കുള്ള ആശങ്ക പരിഹരിക്കാനോ പൊതുചര്‍ച്ചകള്‍ക്കോ തയാറാവാത്ത സര്‍ക്കാര്‍ കിടപ്പാടവും സ്വത്തും നഷ്​ടമാകുന്നതിനെതിരെ അതിജീവന സമരം ചെയ്യുന്ന ജനങ്ങളെ വികസന വിരോധികളായി മുദ്രകുത്തുകയാണെന്ന്​ യു.ഡി.എഫ്​ നേതാക്കൾ ആരോപിച്ചു. കെ-റെയില്‍ പദ്ധതി രേഖയില്‍ വന്‍ അട്ടിമറിയാണ് സംഭവിച്ചതെന്ന്​ ആരോപിച്ചത് പദ്ധതിയുടെ ആദ്യ സാധ്യതാ പഠനത്തിന് നേതൃത്വം നല്‍കിയ റെയില്‍വേ മുൻ ഉദ്യോഗസ്ഥന്‍ അലോക് കുമാര്‍ വർമ തന്നെയാണ്. ഇപ്പോള്‍ പുറത്തുവിട്ട വിശദ പദ്ധതിരേഖ വ്യാജമാണെന്ന വർമയുടെ വെളിപ്പെടുത്തല്‍ കേരളത്തെ ഞെട്ടിക്കുന്നതും സര്‍ക്കാറി​‍ൻെറ അമിത താൽപര്യത്തിന് പിന്നിലുള്ള സംശയങ്ങള്‍ വര്‍ധിപ്പിക്കുന്നതുമാണ്. ബഹുരാഷ്​ട്ര കുത്തകകൾക്കുവേണ്ടിയാണ്​ സർക്കാറി‍ൻെറ പ്രവർത്തനം. ഇതിനു പിന്നിൽ അഴിമതി മണക്കുന്നുണ്ട്​. ആര്‍ക്കുവേണ്ടിയാണ് ഇത്രയേറെ ധിറുതിപ്പെട്ട് പദ്ധതിക്കുവേണ്ടി കല്ലിടൽ നടത്തുന്നതെന്ന് വ്യക്തമാക്കാന്‍ സര്‍ക്കാര്‍ തയാറാവണം. ജില്ലയിൽ നൂറുകണക്കിന് വീടുകളും പാടങ്ങളും കെട്ടിടങ്ങളും ഉള്‍പ്പെടെ നഷ്​ടപ്പെടുന്ന സാഹചര്യമാണുള്ളത്​. കേരളത്തി​‍ൻെറ സമ്പത്തും പരിസ്ഥിതിയും ആവാസ വ്യവസ്ഥയും കൊള്ളയടിക്കുന്ന പദ്ധതിക്കെതിരായ പ്രക്ഷോഭത്തി​‍ൻെറ ഭാഗമായി ശനിയാഴ്​ച കലക്ടറേറ്റ്​ മാർച്ചും ധർണയും സംഘടിപ്പിക്കും. പ്രതിപക്ഷ ഉപനേതാവ്​ പി.കെ. കുഞ്ഞാലിക്കുട്ടി ഉദ്​ഘാടനം ചെയ്യും. രാവിലെ 10ന്​ എരഞ്ഞിപ്പാലത്തുനിന്ന്​ മാർച്ച്​ ആരംഭിക്കും. എം.പിമാരായ കെ. മുരളീധരൻ, എം.കെ. രാഘവൻ, എം.കെ. മുനീർ എം.എൽ.എ​, കെ.കെ. രമ എം.എൽ.എ തുടങ്ങിയവർ സംസാരിക്കും. വാർത്തസമ്മേളനത്തിൽ യു.ഡി.എഫ്​ ചെയർമാൻ കെ. ബാലനാരായണൻ, ജന. കൺവീനർ എം.എ. റസാഖ്​ മാസ്​റ്റർ എന്നിവർ പ​ങ്കെടുത്തു. 'ആഭ്യന്തര വകുപ്പ്​ സംഘ്​പരിവാറിനോട്​ മത്സരിക്കുന്നു' കോഴിക്കോട്​: കടപ്പുറത്ത്​ നടന്ന മുസ്​ലിം ലീഗി​‍ൻെറ വഖഫ്​ സംരക്ഷണ റാലിക്കെതിരെ കേസെടുത്ത ആഭ്യന്തര വകുപ്പ്​ വർഗീയതയിൽ സംഘ്​പരിവാറിനോട്​ മത്സരിക്കുകയാണെന്ന്​ യു.ഡി.എഫ്​ നേതാക്കളായ കെ. ബാലനാരായണനും എം.എ. റസാഖ്​ മാസ്​റ്ററും കുറ്റപ്പെടുത്തി. സി.പി.എമ്മി​‍ൻെറ എത്രയോ സമ്മേളനങ്ങൾ നടന്നിട്ടും തലശ്ശേരിയിൽ വർഗീയ ഭീഷണി മുഴക്കി സംഘ്​പരിവാർ പ്രകടനം നടത്തിയിട്ടും പൊലീസ്​ കേസെടുത്തില്ല. വഖഫ്​ സംരക്ഷണം എങ്ങനെയാണ്​ വർഗീയമാകുന്നതെന്നും നേതാക്കൾ വാർത്തസമ്മേളനത്തിൽ ചോദിച്ചു.