ഓട്ടോറിക്ഷ ഇടിച്ച് മരിച്ചു

ഇരിക്കൂർ: പയ്യാവൂർ പഞ്ചായത്താഫീസിലെ യു.ഡി. ക്ലർക്കും കേരള പഞ്ചായത്ത് എംപ്ലോയീസ് ഓർഗനൈസേഷൻ തളിപ്പറമ്പ് താലൂക്ക് പ്രസിഡൻറുമായ പി. വിനയൻ (37) ഓ​ട്ടോറിക്ഷ ഇടിച്ചുമരിച്ചു. ഇരിക്കൂർകുളിഞ്ഞ പുതിയാറമ്പത്ത് വീട്ടിൽ കോൺഗ്രസ് മുൻ ബൂത്ത് പ്രസിഡൻറ്​ കെ. ബാല​ൻെറയും കല്യാണിയുടേയും മകനാണ്. സംഘടന സ്​ക്വാഡ് പ്രവർത്തനത്തിനായി ബുധനാഴ്ച ഉദയഗിരി പഞ്ചായത്തിലേക്ക് പോകുമ്പോൾ കാർത്തികപുരത്തുവെച്ച് കാറിൽനിന്ന് ഇറങ്ങവേ ഓട്ടോറിക്ഷ ഇടിക്കുകയായിരുന്നു. സഹോദരങ്ങൾ: രാമകൃഷ്ണൻ, ശിവദാസൻ (കെ.എസ്.ആർ.ടി.സി), ജയരാജൻ (ഓട്ടോ), സതീശൻ(പ്രിൻസിപ്പൽ, കക്കാട് ജി.എച്ച്.എസ്.എസ്), ചന്ദ്രൻ (വിമുക്ത ഭടൻ), ഹേമ, ബിന്ദു (മലപ്പട്ടം ജി.എച്ച്.എസ്.എസ് അധ്യാപിക), ധന്യ, പ്രവീൺ (മിലിട്ടറി). വ്യാഴാഴ്ച രാവിലെ പയ്യാവൂർ പഞ്ചായത്ത് ഓഫിസിൽ പൊതുദർശനത്തിനു ശേഷം കുളിഞ്ഞ ശ്മശാനത്തിൽ സംസ്കരിക്കും. ചിത്രം : പി.വിനയൻ