ഫാത്തിമ നജ എൽ.എസ്.എസ് പരീക്ഷ എഴുതി

ഫറോക്ക്: ഫാത്തിമ നജ ശനിയാഴ്ച എൽ.എസ്.എസ് പരീക്ഷ എഴുതി. കോഴിക്കോട് കൊളത്തറ കാലിക്കറ്റ് വികലാംഗ വിദ്യാലയത്തിൽ പഠിക്കുന്ന പൂർണ അന്ധയായ വിദ്യാർഥിനിയാണ് ഫാത്തിമ നജ. കോവിഡ്​ മൂലം കഴിഞ്ഞ വർഷം നടക്കാതെ പോയ പരീക്ഷയാണ് ഈ വർഷം നടക്കുന്നത്. നജക്ക് പരീക്ഷ എഴുതാൻ സഹായിയെയും സർക്കാർ അനുവദിച്ചിരുന്നു. കാലിക്കറ്റ് ഓർഫനേജ് എൽ.പി സ്കൂളിൽ മൂന്നാം ക്ലാസിൽ പഠിക്കുന്ന തൻഹാ പർവീനാണ് ഫാത്തിമ നജയുടെ സഹായിയായി പരീക്ഷ എഴുതിയത്. കുറ്റിക്കാട്ടൂർ സ്വദേശികളായ ഓട്ടോ തൊഴിലാളി സുബൈറി‍ൻെറയും അംഗൻവാടി ടീച്ചറായ റഹിയാനത്തി‍ൻെറ മകളാണ് ഫാത്തിമാ നജ. പഠിക്കാൻ മിടുക്കിയായ ഫാത്തിമ മികച്ച ഗായിക കൂടിയാണ്.