വി.ആർ കൃഷ്ണയ്യ‌ർ അനുസ്മരണ പ്രഭാഷണം

കോഴിക്കോട്: ഗവ. ലോ കോളജ് ഗോൾഡൻ ജൂബിലി ആഘോഷത്തോടനുബന്ധിച്ച് ജസ്​റ്റിസ് വി.ആർ. കൃഷ്ണയ്യ‌ർ അനുസ്മരണ പ്രഭാഷണം സംഘടിപ്പിച്ചു. ഹൈകോടതി ജഡ്ജി ജസ്​റ്റിസ് ദേവൻ രാമചന്ദ്രൻ മുഖ്യപ്രഭാഷണം നടത്തി. അഡ്വ. എം. അശോകൻ ക്ലാസെടുത്തു. ലോ കോളജ് ലോഗോ തയാറാക്കിയ വിദ്യാർഥികളെ അനുമോദിച്ചു. അഭിഭാഷക വൃത്തിയിൽ 50 വർഷം പൂർത്തീകരിക്കുന്ന അഡ്വ എം. അശോകനെ ജസ്​റ്റിസ് ദേവൻ രാമചന്ദ്രൻ പൊന്നാട അണിയിച്ചു. ലോ കോളജ് പ്രൻസിപ്പൽ പ്രഫ. സി.വി. കുമാരൻ അധ്യക്ഷത വഹിച്ചു. സംഘാടക സമിതി ചെയർമാൻ അഡ്വ. കെ. നവാസ് സ്വാഗതവും പ്രഫ. വിദ്യുത് സുബ്രഹ്മണ്യൻ നന്ദിയും പറഞ്ഞു.