വടകര താലൂക്ക് ഓഫിസ് താൽക്കാലിക കെട്ടിടത്തിൽ

വടകര: തീപിടിത്തത്തെ തുടർന്ന് നാശനഷ്​ടം സംഭവിച്ച വടകര താലൂക്ക് ഓഫിസ് തിങ്കളാഴ്ച താൽക്കാലിക കെട്ടിടത്തിൽ പ്രവർത്തനമാരംഭിക്കും. വടകര സബ് ട്രഷറി പ്രവർത്തിച്ചുവരുന്ന കെട്ടിടത്തിലാണ് പ്രവർത്തനം തുടങ്ങുന്നത്. പൊതുജനങ്ങൾക്ക് താലൂക്ക് ഓഫിസിൽ നൽകിയ അപേക്ഷകളിലെ നടപടികളെക്കുറിച്ചറിയാൻ ഹെൽപ്​ ഡെസ്ക്കും പ്രവർത്തനമാരംഭിക്കും. ഹെൽപ്​ ഡെസ്ക് താലൂക്ക് ഓഫിസിനു സമീപത്തെ ഇലക്​ഷൻ വിഭാഗത്തിലാണ് പ്രവർത്തിക്കുക. പൊതുജനങ്ങൾക്ക് ഹെൽപ്​ ഡെസ്​ക്കിൽ നേരിട്ടോ 04962513480 എന്ന നമ്പറിലോ അന്വേഷണങ്ങൾ നടത്താം.