കോടിയേരിക്ക് സവർക്കറുടെ സ്വരം -എം.കെ. മുനീർ

മേപ്പയൂർ: സി.പി.എം ജനറൽ സെക്രട്ടറി കോടിയേരിയുടെ അടുത്ത കാലത്തെ സംസാരത്തിലെ സ്വരം സവർക്കറുടെ ഭാഷയിലാണെന്ന് ഡോ. എം.കെ. മുനീർ എം.എൽ.എ. മുസ്​ലിം ലീഗിനെ മതേതരത്വം പഠിപ്പിക്കാൻ കോടിയേരി വളർന്നിട്ടില്ല. കോടിയേരി തലശ്ശേരി മത്സരിച്ചപ്പോൾ തേജസ്സ് പത്രത്തിൽ വിജയിപ്പിക്കാൻ ആഹ്വാനം ചെയ്തവരാണ് എസ്.ഡി.പി.ഐക്കാർ. അവരെയും ചുമന്നാണ് മാക്സിസ്​റ്റ്​ പാർട്ടി നടക്കുന്നത്. മുസ്​ലിം ലീഗി​‍ൻെറ മതേതരത്വം കോടിയേരിക്ക് മനസ്സിലാക്കണമെങ്കിൽ പൂർവകാല സി.പി.എം നേതാക്കളുടെ ചരിത്രം പഠിച്ചാൽ മതി. കേരളത്തിലെ പ്രഥമ ഇ.എം.എസ് മന്ത്രി സഭക്ക് പിന്തുണ നൽകിയ രണ്ടു ജനപ്രതിനിധികൾ മുസ്​ലിം ലീഗി​‍ൻെറ പിന്തുണയോ​ടെ വിജയിച്ചു വന്നവരാണ്. രണ്ടാം ഇ.എം.എസ് മന്ത്രിസഭയിൽ മുസ്​ലിം ലീഗാണ് വിദ്യാഭ്യാസം കൈകാര്യം ചെയ്തിരുന്നത്. അന്നൊന്നുമില്ലാത്ത ഭാഷയിൽ ഇന്ന് സി.പിഎം സംസാരിക്കുന്നത് ബി.ജെ.പിയെ തൃപ്തിപ്പെടുത്താൻ വേണ്ടിയല്ലേ എന്ന് ചോദിക്കുമ്പോൾ ഞങ്ങളെ കൊഞ്ഞനം കുത്തിയതുകൊണ്ട് കാര്യമില്ലെന്ന് എം.കെ. മുനീർ പറഞ്ഞു. മേപ്പയൂർ പഞ്ചായത്ത് മുസ്​ലിം ലീഗ് കമ്മിറ്റിയും, ചാവട്ട് ശാഖ മുസ്​ലിം ലീഗ് കമ്മിറ്റിയും സംയുക്തമായി നടത്തിയ എ. പക്കു അനുസ്മരണവും, നാട്ടുപച്ച കുടുംബസംഗമവും ഉദ്ഘാടനം ചെയ്തു സംസാരിക്കുകയായിരുന്നു ഡോ. മുനീർ. സീതി സാഹിബ് പൊളിറ്റിക്കൽ സ്കൂളി​‍ൻെറ ലോഗോ മുനീർ പ്രകാശനം ചെയ്തു. പഞ്ചായത്ത് മുസ്​ലിം ലീഗ് പ്രസിഡൻറ് എം.കെ. അബ്​ദുറഹിമാൻ അധ്യക്ഷതവഹിച്ചു. അഡ്വ. ഫാത്തിമ തഹ്​ലിയ മുഖ്യപ്രഭാഷണം നടത്തി. ടി.കെ.എ. ലത്തീഫ് അനുസ്മരണ പ്രഭാഷണം നടത്തി. എസ്.പി. കുഞ്ഞമ്മത്, സി.പി.എ. അസീസ്, മിസ് ഹബ് കീഴരിയൂർ, ആർ.കെ. മുനീർ, ആവള ഹമീദ്, വി.വി.എം. ബഷീർ, സൗഫി താഴേക്കണ്ടി, പി. അബ്​ദുല്ല, കെ. ലബീബ് അഷറഫ്, വി.എം. അഫ്​സൽ എന്നിവർ സംസാരിച്ചു. എം.എം. അഷറഫ് സ്വാഗതവും, ഫൈസൽ ചാവട്ട് നന്ദിയും പറഞ്ഞു. ഫോട്ടോ: ചാവട്ട് സംഘടിപ്പിച്ച എ. പക്കു സാഹിബ് അനുസ്മരണവും കുടുംബസംഗമവും ഡോ. എം.കെ. മുനീർ ഉദ്ഘാടനം ചെയ്യുന്നു