സ്കൂട്ടറിൽനിന്ന് വീണ് പരിക്കേറ്റ യുവതി മരിച്ചു

മയ്യഴി: സ്കൂട്ടറിന് പിറകിലിരുന്ന് യാത്രചെയ്യവേ വീണ് തലക്ക് ഗുരുതരമായി പരിക്കേറ്റ ചൂടിക്കൊട്ട മണ്ടോള ക്ഷേത്രത്തിന് സമീപത്തെ ഒതയോത്ത് പരവന്‍റവിട ഒ.പി. പ്രജിത (40) മരിച്ചു. ശനിയാഴ്ച വൈകുന്നേരം നാലോടെയായിരുന്നു സംഭവം. സ്കൂട്ടറിന് കുറുകെ പൂച്ച ചാടിയതിനെത്തുടർന്നാണ് അപകടമുണ്ടായത്. മാഹി ഗവ. ആശുപത്രിയിലും തലശ്ശേരി ഗവ. ആസ്പത്രിയിലും ചികിത്സ തേടിയ ശേഷം തുടർന്ന് കോഴിക്കോട് മെഡിക്കൽ കോളേജ് ആശുപത്രിയിലും പ്രവേശിപ്പിച്ചെങ്കിലും തിങ്കളാഴ്ച പുലർച്ചെ മരിച്ചു. കണ്ണുകൾ മെഡിക്കൽ കോളജ് നേത്ര ബാങ്കിന് ദാനം നൽകി. മാഹിയിലെ ഹോമിയോ ഡോക്ടറുടെ ക്ലിനിക്കിലാണ് പ്രജിത ജോലി ചെയ്യുന്നത്. പരേതനായ കുഞ്ഞിപ്പുരയിൽ മുകുന്ദന്‍റെയും രേവതിയുടെയും മകളാണ്. ഭർത്താവ്: പ്രദീപൻ (ഓട്ടോ ഡ്രൈവർ, ഓട്ടോ മെക്കാനിക്ക്). മകൻ: അശ്വന്ദ് (പത്താം ക്ലാസ്സ് വിദ്യാർഥി, മാഹി). സഹോദരൻ : പ്രശാന്ത്. പടം:.....