മയക്കുമരുന്നുമായി യുവാവ്​ പിടിയിൽ

നാദാപുരം: പാറക്കടവിൽ ലഹരിമരുന്ന് വേട്ട. 17.45 ഗ്രാം എം.ഡി.എം.എയുമായി പാറക്കടവ് ചെക്യാട് സ്വദേശി ചേണിക്കണ്ടിയിൽ നംഷീദി​നെ (34) നാദാപുരം ഡിവൈ.എസ്.പിയുടെ സ്ക്വാഡും വളയം എസ്.ഐ അനീഷ് വടക്കേടത്തും ചേർന്ന് അറസ്റ്റ് ചെയ്തു. പ്രതിയെ വളയം സ്റ്റേഷനിൽ ചോദ്യം ചെയ്യുകയാണ്. ഡിവൈ.എസ്.പി പി. ജേക്കബിന് ലഭിച്ച രഹസ്യവിവരത്തിന്റെ അടിസ്ഥാനത്തിൽ വളയം ചെക്യാട് റോഡിൽ വയൽപീടികയിൽ നടത്തിയ വാഹന പരിശോധനയിലാണ് എം.ഡി.എം.എ പിടികൂടിയത്. വളയം എസ്.ഐ അനീഷ് വടക്കേടത്തിന്റെ നേതൃത്വത്തിൽ പ്രതിയുടെ വീട്ടിലും പൊലീസ് പരിശോധന നടത്തി. സ്ക്വാഡ് അംഗങ്ങളായ എസ്.സി.പി.ഒ കെ. ലതീഷ്, പി. സബീഷ് എന്നിവരുടെ നേതൃത്വത്തിലാണ് പരിശോധന നടത്തിയത്. ശനിയാഴ്ച രാത്രി എട്ടോടെയാണ് സംഭവം. വളയം സി.ഐ എ. അജീഷിനാണ് അന്വേഷണ ചുമതല. പ്രതിയെ വടകര എൻ.ഡി.പി.എസ് കോടതിയിൽ ഹാജരാക്കുമെന്ന് പൊലീസ് അറിയിച്ചു. CLKZ ndm 7: പ്രതി നംഷിദ്.