ലഹരി വ്യാപനം: നിരീക്ഷണം ശക്തമാക്കണം -കെ.എൻ.എം

കൊടുവള്ളി: ലഹരിവിപത്തിനെതിരെ സാമൂഹിക സംഘടനകൾ ഒന്നിച്ചിരുന്ന് പരിഹാരം തേടണമെന്ന് കെ.എൻ.എം മർകസുദ്ദഅ് വ കോഴിക്കോട് ജില്ല സമിതി സംഘടിപ്പിച്ച പ്രബോധക ക്യാമ്പ് അഭിപ്രായപ്പെട്ടു. സ്കൂൾ-കോളജ് കാമ്പസുകൾ പ്രവൃത്തി സമയം പൂർവസ്ഥിതിയിലാക്കുന്ന സന്ദർഭത്തിൽ ശക്തമായ നിരീക്ഷണം ആവശ്യമാണെന്നും അഭിപ്രായപ്പെട്ടു. പി.ടി. അബ്ദുൽ മജീദ് സുല്ലമി ഉദ്ഘാടനം ചെയ്തു. ടി.പി. ഹുസൈൻകോയ അധ്യക്ഷത വഹിച്ചു. എം.ടി. അബ്ദുൽ ഗഫൂർ, ഫൈസൽ ഇയ്യക്കാട്, മുഹമ്മദലി കൊളത്തറ , സൈനുൽ ആബിദ് കൊടിയത്തൂർ, റഷീദ് കക്കോടി, മൻസൂർ കാരപ്പറമ്പ്, എം.ടി. അബൂബക്കർ എന്നിവർ സംസാരിച്ചു.