അറിവും ആനന്ദവും പകർന്ന് കൊയ്ത്തുത്സവം

ഓമശ്ശേരി: റൊയാഡ് ഫാം ഹൗസ് ജൈവ നെല്‍കൃഷി പ്രോത്സാഹനത്തിനായി നടത്തിവരുന്ന കൊയ്ത്തുത്സവം വിപുലമായ പരിപാടികളോടെ നടന്നു. ത്രിതല പഞ്ചായത്ത് പ്രതിനിധികളും കൃഷി വകുപ്പ് ഉദ്യോഗസ്ഥരും സന്നിഹിതരായിരുന്നു. സമീപപ്രദേശത്തെ അഞ്ച് സ്‌കൂളുകളിൽനിന്നായി ആയിരത്തോളം വിദ്യാർഥികളും അധ്യാപകരും പങ്കാളികളായി. ജില്ല പഞ്ചായത്ത് പ്രസിഡന്റ് ഷീജ ശശി കൊയ്ത്ത് ഉദ്ഘാടനം ചെയ്തു. ജില്ല പഞ്ചായത്ത് സെക്രട്ടറി അഹമ്മദ് കബീര്‍, വികസന സ്റ്റാൻഡിങ് കമ്മിറ്റി ചെയര്‍പേഴ്‌സൻ വി.പി. ജമീല, ഹരിത കേരള മിഷന്‍ ഡിസ്ട്രിക്ട് കോഓഡിനേറ്റര്‍ പി. പ്രകാശ്, ബ്ലോക്ക് കൃഷിഭവന്‍ അസി. ഡയറക്ടര്‍ ലേഖ, കര്‍ഷക കോഓഡിനേറ്റര്‍ അജു, പഞ്ചായത്ത് പ്രസിഡന്റ് അബ്ദുന്നാസര്‍ പുളിക്കല്‍, പഞ്ചായത്ത് കൃഷിഭവന്‍ അസിസ്റ്റന്റ് നളിനി എന്നിവർ സംസാരിച്ചു. വിദ്യാർഥികള്‍ക്ക് നെല്‍കൃഷിയുടെ ഉൽപാദനവും സംസ്‌കരണവും റൊയാഡ് ഫാം മാനേജിങ് ഡയറക്ടര്‍ അഷ്‌റഫ് കാക്കാട് വിശദീകരിച്ചു. ചിത്രം ഓമശ്ശേരി റൊയാഡ് ഫാം ഹൗസിൽ നടന്ന കൊയ്ത്തുത്സവം