മുതലക്കുണ്ട് നിലം തെക്കുറോഡ് ഉദ്ഘാടനം

കുറ്റിക്കാട്ടൂർ: പെരുവയൽ പഞ്ചായത്ത് ആറാം വാർഡിൽ തൊഴിലുറപ്പ് പദ്ധതി പ്രകാരം പൂർത്തിയാക്കിയ മുതലക്കുണ്ട് നിലം തെക്കുറോഡിന്റെ ഉദ്ഘാടനം പഞ്ചായത്ത് പ്രസിഡന്റ് എം.കെ. സുഹറാബി നിർവഹിച്ചു. വൈസ് പ്രസിഡന്റ് അനീഷ് പാലാട്ട് അധ്യക്ഷത വഹിച്ചു. സ്റ്റാൻഡിങ് കമ്മിറ്റി ചെയർമാന്മാരായ പി.കെ. ഷറഫുദ്ദീൻ, സുബിത തോട്ടാഞ്ചേരി, ഗ്രാമ പഞ്ചായത്ത്‌ മെംബർ എം.പി. സലീം, വാർഡ് കൺവീനർ കെ. മുരളീധരൻ പിള്ള, പി.പി. മുസ്തഫ ഹാജി, പി.പി. അബ്ദുറഹിമാൻ ഹാജി, അഫ്സത്ത്, സുബൈർ നെല്ലൂളി, റഹ്മാൻ ചാലിയം, മൻസൂർ കല്ലേരി, ഷബീർ മാസ്റ്റർ, റോഷൻ ജോസഫ് എന്നിവർ സംസാരിച്ചു.