വിദ്യാർഥികളുടെ യാത്രപ്രശ്നം പരിഹരിക്കണം

കോഴിക്കോട്: വിദ്യാർഥികളെ ബസിൽ കയറാൻ അനുവദിക്കാതിരിക്കുക, ബസ് സ്റ്റാർട്ട് ആയതിനുശേഷം മാത്രം വിദ്യാർഥികളെ കയറ്റുക, വിദ്യാർഥികൾ കൂടുതലുള്ള ബസ്​ സ്റ്റോപ്പിൽ നിറുത്താതിരിക്കുക, വിദ്യാർഥികളെ സീറ്റിൽ ഇരിക്കാൻ സമ്മതിക്കാതിരിക്കുക തുടങ്ങിയ പ്രശ്നങ്ങൾ ചൂണ്ടിക്കാട്ടി എ.ഐ.ഡി.എസ്​.ഒ ജില്ല കലക്ടർക്ക് പരാതി നൽകി. എത്രയും പെട്ടെന്ന് സ്റ്റുഡന്റ്സ് ട്രാവലിങ് ഫെസിലിറ്റി കമ്മിറ്റി മീറ്റിങ് വിളിച്ചുചേർക്കണമെന്നും ജില്ല സെക്രട്ടറി കെ. റഹീമിന്‍റെ നേതൃത്വത്തിൽ നൽകിയ നിവേദനത്തിൽ ആവശ്യപ്പെട്ടു.