സ്കൗട്ട് ആൻഡ് ഗൈഡ് സൈക്കിൾ റാലി

കോഴി​ക്കോട്​: സ്കൗട്ട് ആൻഡ് ഗൈഡ് പരിചിന്തന ദിനത്തോടനുബന്ധിച്ച് സമൂഹമാധ്യമ ദുരുപയോഗത്തിനെതിരെ ജെ.ഡി.ടി ഇസ്​ലാം ഹൈസ്കൂൾ സ്കൗട്ട് ആൻഡ് ഗൈഡ് വിദ്യാർഥികൾ സൈക്കിൾ റാലി നടത്തി. ചേവായൂർ പൊലീസ്​ ഇൻസ്​പെക്ടർ ചന്ദ്രമോഹൻ ഫ്ലാഗ്ഓഫ് ചെയ്തു. പ്രധാന അധ്യാപകൻ ഇ. അബ്ദുൽ ഗഫൂർ അധ്യക്ഷത വഹിച്ചു. ജെ.ഡി.ടി ഇസ്​ലാം അഡ്മിനിസ്ട്രേറ്റിവ് ഓഫിസർ കെ.കെ. ഹമീദ് ദിനാചരണ സന്ദേശം നൽകി. സ്കൗട്ട് മാസ്റ്റർമാരായ കെ. സൈഫുദ്ദീൻ, സാജദ് ചോല, മുഹമ്മദ് സഫറുല്ല, ഗൈഡ് ക്യാപ്റ്റൻ റഷീദ എന്നിവർ നേതൃത്വം നൽകി.