കണ്ണൂർ വിമാനത്താവളത്തിൽ വിദേശ കറന്‍സി പിടികൂടി

മട്ടന്നൂര്‍: കണ്ണൂര്‍ രാജ്യാന്തര വിമാനത്താവളത്തില്‍ നിന്ന് അഞ്ച്​ ലക്ഷം രൂപയുടെ വിദേശ കറന്‍സി പിടികൂടി. കൂത്തുപറമ്പ് മൂന്നാംപീടിക സ്വദേശി ഫസലില്‍ നിന്നാണ് പിടികൂടിയത്. ബുധനാഴ്ച പുലര്‍ച്ചെ ഗോഫസ്റ്റ് വിമാനത്തില്‍ ഷാര്‍ജയിലേക്ക് പോകാനെത്തിയ ഇയാളില്‍ നിന്ന് 26,000 രൂപയുടെ സൗദി റിയാലാണ് പിടികൂടിയത്. വിമാനത്താവളത്തിലെ സുരക്ഷ ഉദ്യോഗസ്ഥരുടെ പരിശോധനയിലാണ് കറന്‍സികള്‍ കണ്ടെത്തിയത്.