ഒരേസമയം രണ്ടു റെഗുലർ കോഴ്സുകൾ: യു.ജി.സി നിബന്ധനകളിൽ വ്യക്തത വേണം -പ്രിൻസിപ്പൽസ് കൗൺസിൽ

കോഴിക്കോട്​: അടുത്ത അധ്യയന വർഷം മുതൽ ഒരേസമയം രണ്ടു റെഗുലർ കോഴ്സുകൾ പഠിക്കാൻ വിദ്യാർഥികൾക്ക് യു.ജി.സി അവസരം ഒരുക്കുന്നതിനെതിരെ നിർദേശവുമായി പ്രിൻസിപ്പൽസ് കൗൺസിൽ. ഉദ്യോഗാർഥികൾ കൃത്യമായി ക്ലാസുകളിൽ ഹാജരാകുക എന്നതാണ് റെഗുലർ കോഴ്സ് കൊണ്ട് ഉദ്ദേശിക്കുന്നത്. ഇതുപ്രകാരമാണെങ്കിൽ യു.ജി.സി നിബന്ധന അപ്രായോഗികമാണ്. ഈ വിഷയത്തിൽ യു.ജി.സി നിബന്ധനകളിൽ വിശദീകരണവും വ്യക്തതയും വേണമെന്ന്​ കൗൺസിൽ ആവശ്യപ്പെട്ടു. ഏറെ നേട്ടങ്ങൾ ഉണ്ടെങ്കിലും മിടുക്കരും കഠിനാധ്വാനികളുമായ വിദ്യാർഥികൾക്ക് മാത്രമേ ഒരേസമയം രണ്ടു കോഴ്സുകൾ പഠിക്കാൻ പറ്റുകയുള്ളൂവെന്ന് കൗൺസിൽ അഭിപ്രായപ്പെട്ടു.