കഠിന തടവും പിഴയും വിധിച്ചു

വടകര: എം.ഡി.എം.എയുമായി അറസ്റ്റിലായ പ്രതിക്ക് കഠിനതടവും പിഴയും. മൂന്ന് ഗ്രാം എം.ഡി.എം.എയുമായി അറസ്റ്റിലായ പ്രതി താമരശ്ശേരി ശിവപുരം താന്നിക്കൽ ശരത്തിനെയാണ്​ (27) വടകര എൻ.ഡി.പി.എസ് കോടതി ജഡ്ജി വി.പി.എം. സുരേഷ്​ ബാബു ശിക്ഷിച്ചത്. മൂന്നുമാസം കഠിന തടവും പതിനായിരം രൂപ പിഴയുമാണ് ശിക്ഷ. പിഴ അടച്ചില്ലെങ്കിൽ ഒരു മാസംകൂടി കഠിന തടവ് അനുഭവിക്കണം. 2017 സെപ്​റ്റംബർ 19നാണ് കൊയിലാണ്ടി-താമരശ്ശേരി റോഡിൽ ഉപ്പുംപൊടിവെച്ച് മയക്കുമരുന്നുമായി പ്രതിയെ ബാലുശ്ശേരി എക്സൈസ് അറസ്റ്റ് ചെയ്തത്.