ബാങ്കിലെ ജനറേറ്ററിന് തീപിടിച്ചത് പരിഭ്രാന്തിക്കിടയാക്കി

വടകര: വടകര കോഓപറേറ്റിവ് റൂറൽ ബാങ്കിലെ ഹെഡ് ഓഫിസ് പ്രവർത്തിക്കുന്ന കെട്ടിടത്തിന് പിൻഭാഗത്ത് സ്ഥാപിച്ച ജനറേറ്ററിന് തീപിടിച്ചു. ശനിയാഴ്ച ഉച്ചക്ക്​ 12ഓടെയാണ് സംഭവം. ബാങ്കിന്റെ ബ്രാഞ്ച് ഓഫിസിന്റെ ചുമരിനോട് ചേർന്നുള്ള സ്ഥലത്താണ് ജനറേറ്റർ സ്ഥാപിച്ചിരുന്നത്. പുക ഉയർന്ന് തീപടരാൻ തുടങ്ങിയതോടെ ബാങ്ക് ജീവനക്കാരും നാട്ടുകാരും വടകര അഗ്​നിരക്ഷാ സേനയും ചേർന്ന് തീയണച്ചു. തീപിടിച്ചെന്ന വിവരമറിഞ്ഞ് ബാങ്കിലെ വൈദ്യുതി ഓഫ് ചെയ്ത് ജീവനക്കാരെല്ലാം പുറത്തിറങ്ങി സുരക്ഷിത സ്ഥലത്തേക്ക് മാറി. പടം: വടകര റൂറൽ ബാങ്കിലെ ജനറേറ്ററിന് തീപിടിച്ചപ്പോൾ അഗ്​നിരക്ഷാ സേന തീയണക്കുന്നു saji 2