സൗജന്യ മെഡിക്കൽ ക്യാമ്പ്

ചേളന്നൂർ: കോവിഡാനന്തര രോഗാവസ്ഥക്ക്​ ശാശ്വതപരിഹാരം എന്ന സന്ദേശത്തിൽ ഗുഡ് ലക്ക് ലൈബ്രറി ആർട്​സ്​ ആൻഡ് സ്പോർട്സ് സെന്‍റർ നടത്തി. കോഴിക്കോട് ഹോമിയോപ്പതിക് ഫിസിഷ്യൻസ് കോഓപറേറ്റിവ് സൊസൈറ്റിയുടെ സഹകരണത്തോടെയാണ്​ ക്യാമ്പ്. ചേളന്നൂർ ഗ്രാമപഞ്ചായത്ത് പ്രസിഡന്‍റ്​ പി.പി. നൗഷീർ ഉദ്ഘാടനം ചെയ്തു. ഗുഡ് ലക്ക് ലൈബ്രറി പ്രസിഡൻറ് എൻ.കെ. സോനു അധ്യക്ഷത വഹിച്ചു. വാർഡ് മെംബർ എ.പി. ജസീന, ഗുഡ് ലൈബ്രറി ഉപദേശകസമിതി അംഗം വി. ജിതേന്ദ്രനാഥ് എന്നിവർ സംസാരിച്ചു. ഡോ. വി. ജ്യോതി ബോധവത്​കരണ ക്ലാസ് നടത്തി. ലൈബ്രറി സെക്രട്ടറി റീജ രമേശ് സ്വാഗതവും കെ.പി. ഹരീഷ് നന്ദിയും പറഞ്ഞു.