എന്റെ വാഴയൂർ '' പ്രകാശനം ചെയ്തു.

എന്റെ വാഴയൂർ '' പ്രകാശനം ചെയ്തു. കാരാട്: ജെ.സി.ഐ വാഴയൂർ പ്രസിദ്ധീകരിച്ച 'എന്റെ വാഴയൂർ, അഭിവൃദ്ധിയുടെ ആകാശങ്ങൾ' വാർഷികപ്പതിപ്പ് വാഴയൂർ ഗ്രാമപഞ്ചായത്ത് പ്രസിഡന്റ് ടി.പി. വാസുദേവൻ വൈസ് പ്രസിഡന്റ് മിനി കൊലോതൊടിക്ക് നൽകി പ്രകാശനം ചെയ്തു. വിദ്യാഭ്യാസ ക്ഷേമകാര്യ സമിതി അധ്യക്ഷൻ പി.കെ. ബാലകൃഷ്ണൻ, ഗ്രാമപഞ്ചായത്ത് സെക്രട്ടറി ആർ. അനിൽ കുമാർ, അസി. സെക്രട്ടറി വിനോദ് ഓലശേരി എന്നിവർ സംസാരിച്ചു. വാഴയൂരിന്റെ സംസ്കാരം, വിദ്യാഭ്യാസം, കായികം, ടൂറിസം എന്നീ മേഖലകളിലെ വികസനസാധ്യതകളും, ജെ.സി.ഐ വാഴയൂരിന്റെ സാമൂഹ്യപ്രവർത്തനങ്ങളുമാണ് വാർഷികപ്പതിപ്പിന്റെ ഉള്ളടക്കം. ജെ.സി.ഐ പ്രസിഡന്റ് അജ്മൽ കക്കോവ് അധ്യക്ഷത വഹിച്ചു. ഹാരിസ് ഉമ്മത്ത് സ്വാഗതവും പ്രോഗ്രാം ഡയറക്ടർ സാബിക് എബിസി നന്ദിയും പറഞ്ഞു.