കായണ്ണ ഗവ. യു.പി സ്കൂൾ കെട്ടിടോദ്ഘാടനം നാളെ

പേരാമ്പ്ര : കായണ്ണ ഗവ. യു. പി സ്കൂൾ 110ാം വാർഷികവും കെട്ടിടോദ്ഘാടനവും മെയ്‌ ആറിന് വൈകീട്ട് അഞ്ചിന് നടക്കും. ഒരു കോടി രൂപ ചെലവഴിച്ചു നിർമിച്ച കെട്ടിടത്തിന്റെ ഉദ്ഘാടനം മന്ത്രി വി. ശിവൻ കുട്ടി നിർവഹിക്കും. സർവിസിൽനിന്ന് വിരമിക്കുന്ന കെ.കെ. അബൂബക്കർ, കെ.എം. പ്രകാശൻ, പി.കെ. രാജു എന്നിവർക്കുള്ള യാത്രയയപ്പും സ്കോളർഷിപ് ജേതാക്കൾക്കുള്ള ഉപഹാരസമർപ്പണവും നടക്കും. അഡ്വ. കെ.എം. സച്ചിൻ ദേവ് എം.എൽ.എ അധ്യക്ഷതവഹിക്കും. ഗ്രാമപഞ്ചായത്ത്‌ പ്രസിഡന്റ്‌ സി.കെ. ശശി ഉപഹാരസമർപ്പണം നിർവഹിക്കും. വാർത്തസമ്മേളനത്തിൽ പ്രഥമാധ്യാപകൻ പി.പി. ആനന്ദൻ, പി.ടി.എ പ്രസിഡന്റ്‌ ടി.സി. ജിപിൻ, സ്റ്റാഫ് സെക്രട്ടറി ഇ.കെ. സുരേഷ് എന്നിവർ സംബന്ധിച്ചു. Photo: നാളെ മന്ത്രി വി. ശിവൻ കുട്ടി ഉദ്ഘാടനം ചെയ്യുന്ന കായണ്ണ ഗവ. യു.പി സ്കൂൾ കെട്ടിടം .