മിന്നലിൽ മൊബൈൽ ടവറിന് തീപിടിച്ചു

പേരാമ്പ്ര: ചക്കിട്ടപാറ പഞ്ചായത്തിലെ കൂവപ്പൊയിലിൽ സ്വകാര്യ മൊബൈൽ ടവറിന് തീപിടിച്ചു. മുതുക്കൽ ഖാലിദ് എന്നയാളുടെ സ്ഥലത്ത് സ്ഥാപിച്ച ടവറിനാണ് തീപിടിച്ചത്. എയർടെൽ, വോഡഫോൺ-ഐഡിയ കമ്പനികളുടെ ഉടമസ്ഥതയിൽ പ്രവർത്തിക്കുന്ന ടവർ സൈറ്റിൽ ബുധനാഴ്ച രാത്രി 11 മണിയോടെയാണ് തീപിടിച്ചത്. മിന്നലിൽനിന്നാണ് തീ പടർന്നതെന്ന് സംശയിക്കുന്നു. പേരാമ്പ്ര ഫയർഫോഴ്സിലെ അസി. സ്റ്റേഷൻ ഓഫിസർ (ഗ്രേഡ്) കെ.പി. വിജയന്റെ നേതൃത്വത്തിൽ തീ അണച്ചു.