യുവജന വായനശാല സുവർണ ജൂബിലി സമാപിച്ചു

ബാലുശ്ശേരി: കണ്ണാടിപ്പൊയിൽ യുവജന വായനശാലയുടെ ഒരു വർഷക്കാലം നീണ്ടുനിന്ന സുവർണജൂബിലി ആഘോഷത്തിന് സമാപനം കുറിച്ചു കൊണ്ടു ഘോഷയാത്രയും സാംസ്കാരിക സമ്മേളനവും നടന്നു. സാംസ്കാരിക സമ്മേളനം പനങ്ങാട് പഞ്ചായത്ത് പ്രസിഡന്റ് വി.എം. കുട്ടികൃഷ്ണൻ ഉദ്ഘാടനം ചെയ്തു. കെ.പി. ദിലീപ് കുമാർ അധ്യക്ഷത വഹിച്ചു. ആദ്യകാല ഗ്രന്ഥശാലാ പ്രവർത്തകരെയും വിവിധ മേഖലകളിൽ ശ്രദ്ധേയരായ വ്യക്തികളേയും ജില്ലാ ലൈബ്രറി കൗൺസിൽ പ്രസിഡന്റ് ഡോ. കെ. ദിനേശൻ പൊന്നാടയണിയിച്ച് ആദരിച്ചു. എൽ.എസ്.എസ് -യു.എസ്.എസ് വിജയികളെയും അനുമോദിച്ചു. ഹരീഷ് ത്രിവേണി, കെ.പി. വിജയൻ, എൽ.വി. വിലാസിനി, വി.വി. ബാലൻ നായർ, കെ. പ്രഭാകരൻ, ദിനേശൻ പനങ്ങാട്, പി.എം. റജികുമാർ എന്നിവർ സംസാരിച്ചു. വിവിധ കലാപരിപാടികളും ശ്രീജിത്ത് വിയ്യൂരിന്റെ മാജിക്ക് ഷോയും അരങ്ങേറി. പി.കെ. മുരളി സ്വാഗതവും ജി.എസ്. ഹരിപ്രസാദ് നന്ദിയും പറഞ്ഞു.