സി.എം മഖാം ഉറൂസ് മുബാറക് ഇന്നുമുതൽ

കോഴിക്കോട്: സി.എം മഖാം ഉറൂസ് മുബാറക് മേയ് അഞ്ചു മുതല്‍ 10 വരെ മടവൂരില്‍ നടക്കുമെന്ന് സ്വാഗതസംഘം ഭാരവാഹികള്‍ അറിയിച്ചു. വ്യാഴാഴ്ച​ രാത്രി ഏഴിന്​ നടക്കുന്ന സ്വലാത്ത് മജ്‌ലിസിന് ഫഖ്‌റുദ്ദീന്‍ തങ്ങള്‍ കണ്ണന്തളി നേതൃത്വം നല്‍കും. ആറിന് രാവിലെ 9.30ന് മുഹമ്മദ് ജിഫ്രി മുത്തുക്കോയ തങ്ങളുടെ നേതൃത്വത്തില്‍ മഖാം സിയാറത്ത് നടക്കും. രാത്രി ഏഴിന്​ മജ്‌ലിസുന്നൂര്‍ സദസ്സ് അബ്ബാസലി ശിഹാബ് തങ്ങള്‍ ഉദ്ഘാടനം ചെയ്യും. ഏഴിന്​ രാവിലെ ഒമ്പതിന്​ അനുസ്മരണ സമ്മേളനം സമസ്ത ജനറല്‍ സെക്രട്ടറി പ്രഫ. കെ. ആലിക്കുട്ടി മുസ്‌ലിയാര്‍ ഉദ്ഘാടനം ചെയ്യും. എട്ടിന്​ വൈകീട്ട്​ മൂന്നിന്​ സ്‌നേഹസംഗമം എം.കെ. മുനീര്‍ എം.എല്‍.എ ഉദ്ഘാടനം ചെയ്യും. ഒമ്പതിന് രാത്രി ഏഴിന്​ ദിക്‌റ് ദുആ സമ്മേളനം പാണക്കാട് സാദിഖലി ശിഹാബ് തങ്ങള്‍ ഉദ്ഘാടനം ചെയ്യും. ഹൈദരലി ശിഹാബ് തങ്ങള്‍ സ്മാരക റിസർച് സെന്‍റര്‍ ശിലാസ്ഥാപനവും നടക്കും. വർക്കിങ്​ ചെയർമാൻ മൂത്താട്ട് അബ്ദുറഹ്മാന്‍, ജനറൽ കൺവീനർ വി.സി. റിയാസ് ഖാന്‍, യു.വി. മുഹമ്മദ്​ മൗലവി, ഫൈസൽ ഫൈസി മടവൂർ, ഹാരിസ്​ അശ്​അരി, കെ.പി. ഷമീർ, മില്ലത്ത്​ ബഷീർ എന്നിവർ വാർത്തസമ്മേളനത്തിൽ പ​ങ്കെടുത്തു.