ഉന്നത വിജയികളെ അനുമോദിച്ചു

കൊടുവള്ളി: എസ്.വൈ.എസ് കമ്മിറ്റിയുടെ ആഭിമുഖ്യത്തിൽ ആവിലോറ പ്രദേശത്തുനിന്നു സമസ്ത പൊതു പരീക്ഷയിൽ ഉന്നത വിജയം നേടിയ വിദ്യാർഥികളെ ആദരിച്ചു. ആവിലോറ മുനീറുൽ ഇസ്‍ലാം മദ്റസയിലെ പത്താം ക്ലാസ് വിദ്യാർഥി ടി. മുഹമ്മദ് അഫ്ലഹ്, വഴിക്കടവ് നൂറുൽ ഇസ്‍ലാം മദ്റസയിലെ അഞ്ചാം ക്ലാസ് വിദ്യാർഥിനി എം.പി. മിർഷ സൈനബ്, ഏഴാം ക്ലാസ് വിദ്യാർഥിനി എം.പി. നജ ഫാത്തിമ, കരിമ്പാരകുണ്ടം തൻവീറുൽ ഇസ്‍ലാം മദ്റസയിലെ പത്താംക്ലാസ് വിദ്യാർഥിനി ദിന ഗഫൂർ എന്നീ വിദ്യാർഥികളെയാണ് ആദരിച്ചത്. എസ്.കെ.എസ്.എസ്.എഫ് ജില്ല വൈസ് പ്രസിഡൻറ് മുസ്തഫ ഹുദവി കൊടുവള്ളി ഉദ്ഘാടനം ചെയ്തു. കെ.കെ. ഗഫൂർ അധ്യക്ഷത വഹിച്ചു. വഴിക്കടവ് മഹല്ല് സെക്രട്ടറി കെ. ഹുസൈയിൻ മുസ്‍ലിയാർ, കെ. മുഹമ്മദ്, എം.പി.സി. മൂസ ഹാജി, എം.പി.സി. മുഹമ്മദ്, കെ. റാഫി, ടി.എ. നൗഫൽ, റിയാസ് വഴിക്കടവ്, പി.വി. റഹീസ്, എം.പി. ഫഹദ്, കെ. റഹീം, ജംഷീർ ആവിലോറ തുടങ്ങിയവർ സംസാരിച്ചു. ജനറൽ സെക്രട്ടറി ഫസൽ ആവിലോറ സ്വാഗതവും സി.കെ. സൗജൽ നന്ദിയും പറഞ്ഞു.