ശിൽപശാല നടത്തി

ചേന്ദമംഗലൂർ: പുൽപറമ്പ് പ്രദേശത്തെ ഗ്രീൻവാലി റെസിഡന്റ്സിന്റെ കീഴിലുള്ള കുട്ടികൾക്കായി ഏകദിന ശിൽപശാല നടത്തി. കെ. അബൂബക്കർ ഉദ്ഘാടനം ചെയ്തു. മാറുന്ന കാലഘട്ടത്തിൽ പഠനരംഗത്ത് മുന്നേറാനുള്ള വഴികൾ, വ്യക്തിത്വ വികസനം, കലാസാഹിത്യരംഗത്തെ കുട്ടികളുടെ പങ്കാളിത്തം എന്നീ വിഷയങ്ങളിൽ ജെ.ഡി.ടി വൊക്കേഷനൽ ഹയർ സെക്കൻഡറി സ്കൂൾ പ്രിൻസിപ്പൽ കെ. ഹാരിസ് മാസ്റ്റർ, എൻജിനീയർ കെ. യാസിർ എന്നിവർ കുട്ടികളോട് സംവദിച്ചു. ഗ്രീൻവാലി റെസിഡന്റ്സ് പ്രസിഡൻറ് കെ. ഹമീദ് മാസ്റ്റർ, എം.വി. മുഹമ്മദ് കുട്ടി, ഫിർഷാദ്, മുഹമ്മദ് ഷജീം, മുബഷീർ എന്നിവർ നേതൃത്വം നൽകി.