അനുസ്മരണ യോഗവും എന്‍ഡോവ്‌മെന്റ് വിതരണവും

നന്മണ്ട: ഡി.സി.സി വൈസ് പ്രസിഡന്റും മുൻ ജില്ല പഞ്ചായത്ത് അംഗവുമായിരുന്ന കരിപ്പാല രാഘവന്‍ മാസ്റ്ററുടെ ഓർമദിനത്തില്‍ സംഘടിപ്പിച്ചു. സ്മൃതികുടീരത്തില്‍ ഡി.സി.സി പ്രസിഡന്റ് അഡ്വ. കെ. പ്രവീണ്‍കുമാറിന്റെ നേതൃത്വത്തില്‍ നേതാക്കളും പ്രവര്‍ത്തകരും കുടുംബാംഗങ്ങളും പുഷ്പാര്‍ച്ചന നടത്തി. അനുസ്മരണ യോഗം കെ. പ്രവീണ്‍കുമാര്‍ ഉദ്ഘാടനം ചെയ്തു. പാറക്കണ്ടി ബാലൻ നായർ അധ്യക്ഷത വഹിച്ചു. കെ. രാമചന്ദ്രന്‍, കാവില്‍ പി. മാധവന്‍, വിശ്വന്‍ നന്മണ്ട, ജയദേവന്‍, നിജേഷ് അരവിന്ദ്, കെ.ടി. ബാലന്‍, കെ.വി. നിത്യകല, സന്തോഷ്, ബാബു കരിപ്പാല എന്നിവർ സംസാരിച്ചു. അനുസ്മരണ സമിതി ജന. കണ്‍വീനര്‍ ജയന്‍ നന്മണ്ട സ്വാഗതവും മൊയ്തീന്‍കോയ നന്ദിയും പറഞ്ഞു. അഡ്വ. കെ. പ്രവീണ്‍കുമാറും മീന രാഘവന്‍ കരിപ്പാലയും ചേര്‍ന്ന് എന്‍ഡോവ്‌മെന്റ് വിതരണം ചെയ്തു. എഴുകുളം എ.യു.പി സ്‌കൂളിലെ ദേവപ്രിയ ഏറ്റുവാങ്ങി. പടം :കോൺഗ്രസ് നേതാവ് കരിപ്പാല രാഘവൻ മാസ്റ്ററുടെ സ്മൃതികുടീരത്തിൽ ഡി.സി.സി പ്രസിഡന്റ് അഡ്വ. കെ. പ്രവീൺകുമാറും നേതാക്കളും പുഷ്പാർച്ചന നടത്തുന്നു